阿桂老友粉 (已結業)

虽然上次个老友粉濑濑地，不过印像中之前去系好食好多嘅，所以决定俾多次机会佢，今次嗌咗酸辣炸酱辣腩肉米线，一睇个样经已似样好多啦，上面铺满著香辣而入味嘅肉碎，而唔系上次淡茂茂嘅几片肉，肉碎嘅肥瘦适中，呈现黄金嘅六四比，汤底亦由鲜橙色转为深啡色，系喇，上次就系呢个味道喇，唔知点解今次嘅酸菜比上次嘅酸，更加啱胃口，腩肉片片经过腌制，个汤底够哂酸辣，啱哂我呢啲重口味嘅人士。