影片
更多
2014-11-11
4008 浏览
近排倾开计先知, 原来有好几个朋友都钟意食pizza, 不如搞返个pizza团 喇！可惜时间上夹唔到，唯有约铁胆饭脚去……靓女密友第一时间推介去California Pizza Kitchen，食过巧巧味 咁话！我地预先订左7点4位，准时到达旺角家乐坊分店，人流唔多，靓女密友仲话，好耐无来光顾喇，以前好多人，要排队㗎，乜家下 咁多吉位嘅？！餐厅宁静幽喑，装修简单舒适。侍应生安排我地坐四人卡位，够舒服自在！由于餐厅只限个半钟时间用餐，分秒必争下，每人点一款，快趣吖麻 ！1.头盘拣选左生菜包 : 泰式、中式生菜包就食得多嘞，西式就第一次试！饀料有鸡肉、虾、蒜蓉粒、脆炸米粉等等……d料炒得劲入味，生菜新鲜爽脆，混入随附之秘制酱料而食，确有一番滋味！2.前菜拣选左摩洛哥风味鸡肉沙律(全份) : 极欣赏呢道菜式，配搭新颖，惊喜之作！未食过咁好味既沙律呀 ！材料相当丰富，有微烤过既鸡肉，肉质软熟柔韧。有甘笋，新鲜爽甜。有烤焗南瓜，瓜肉烤得刚好，唔会过腍，瓜质亦唔过甜。有甜枣，巧特别。有牛油果，油润滑溜，中和返其他配料既甜味！有杏仁，我既至爱，劲香脆！有粒粒红菜头，甜美可口。有红梅干
我地预先订左7点4位，准时到达旺角家乐坊分店，人流唔多，靓女密友仲话，好耐无来光顾喇，以前好多人，要排队㗎，乜家下 咁多吉位嘅？！餐厅宁静幽喑，装修简单舒适。侍应生安排我地坐四人卡位，够舒服自在！
由于餐厅只限个半钟时间用餐，分秒必争下，每人点一款，快趣吖麻 ！
1.头盘拣选左生菜包 : 泰式、中式生菜包就食得多嘞，西式就第一次试！饀料有鸡肉、虾、蒜蓉粒、脆炸米粉等等……d料炒得劲入味，生菜新鲜爽脆，混入随附之秘制酱料而食，确有一番滋味！
2.前菜拣选左摩洛哥风味鸡肉沙律(全份) : 极欣赏呢道菜式，配搭新颖，惊喜之作！未食过咁好味既沙律呀 ！材料相当丰富，有微烤过既鸡肉，肉质软熟柔韧。有甘笋，新鲜爽甜。有烤焗南瓜，瓜肉烤得刚好，唔会过腍，瓜质亦唔过甜。有甜枣，巧特别。有牛油果，油润滑溜，中和返其他配料既甜味！有杏仁，我既至爱，劲香脆！有粒粒红菜头，甜美可口。有红梅干、提子干，甜甜地，唔会腻口。有罗马生菜，够新鲜。有甜椒，够鲜爽。仲有鸡蛋碎添，认真多不胜数呢！我地本来打算叫半份，怕食唔哂嘥野，细心既侍应生remind我地，话全份较好，唔系真系唔够喉，实在太美妙 嘞！
3.主菜拣选左鲜蘑菇辣肉肠鸡肉pizza(厚批) : 我地为左食pizza而来，却失望而回！又系期望过高既结果！批边就真系够厚嘞！但批中间好鬼薄皮啰……饀料有蘑菇，新鲜爽口及少少辣既肉肠鸡肉等……卖花赞花香，靓女密友梗系猛话ok架！我地三个则相视苦笑咗！真系唔多够丰腴，饼身太过干亦唔够脆，似腍左既面包，兼且过咸，食完要狂灌水，一d都唔健康 ！
4.蘑菇芝士意大利云吞 : 比较饱肚腻口既一道菜，云吞皮厚重。经过相机食先既洗礼后，成件滩冻左既云吞变成d硬化既糯米糕，口感一般。其实内里既蘑菇芝士饀料一d都唔差，带点咸咸地，能为厚皮云吞增添不少味道！
我地一心来尝pizza, 却发现此餐厅既亮点原来只系沙律, 认真失败！食材质素唔差，只怪㕑师重手左，厨艺略欠成熟！唯有叹句: 可一不可再！张贴
