小魚兒 (寶漢大廈) (已結業)

小鱼儿 Little Fish📍铜锣湾波斯富街24-30号宝汉大厦1楼近排秋意来袭，又系时候食返啲热辣辣，㷫烚烚嘅嘢。除咗打边炉之外，我同朋友最钟意食嘅应该就系鸡煲啦。近排食过高水准嘅鸡煲，一定要数到小鱼儿，绝对有质素保证嘅川菜餐厅！ 💰$23盐烧鹌鹑蛋 🥚孜然口味嘅盐烧鹌鹑蛋，卖相似足一串咖喱鱼蛋，真系好少地方有得食。鹌鹑蛋唔会烧到好干，蛋黄味道浓香，孜然粉更添惹味，记得趁热食啊！ 💰$70椒盐鸭血 🧆椒盐豆腐、椒盐鱿鱼、椒盐猪扒，呢啲大家食得多，都食得厌嘅时候，不妨一试椒盐鸭血！厨师将鸭血切成细小方粒，裹上面衣炸香后洒上椒盐，保留鸭血嘅滑顺，同时做到外脆内软嘅口感。一口一件嘅椒盐鸭血令人上瘾，爱食鸭血嘅朋友必定要试试。 💰$63食肉兽 🍖第一次喺小鱼儿食冒菜，净系汤底都有接近10款选择，连主食都有五款，亦可以按个人口味调整辣度同配菜等等，非常高自由度！我哋拣嘅呢款食肉兽有五花腩、牛肉、鸡肉、猪肚同娃娃菜，汤底选配暖身胡椒汤，再搭配土豆粉做主食，BB辣嘅口味刚刚好，同浓味胡椒一齐食都唔会觉得太辣。所有肉类其实都煮得相当入味，亦好腍身，索晒汤底嘅胡椒味。当中，猪肚系最好食嘅，因为爽爽哋