Sedap Malaysian Delights (已結業)

平时香港乜嘢国家嘅菜式都食到，但系唯独马拉风味就比较少见，而我同女朋友自从旧年去过马来西亚之后，就爱上左马来风味，今日去中环行街之后见到，就被吸引左入嚟！胡椒鸡翼我哋已经肚饿左好耐，先叫个胡椒鸡翼顶顶肚，上枱已经闻到好香嘅胡椒味，仲好细心咁样帮我地分拆左变成单骨鸡翼，比较重胡椒味，适合我哋呢啲重口味嘅人士！马来咖喱焗海鲜盘见餐厅都有贴呢个菜式嘅宣传海报，就咁睇已经流晒口水好吸引，一个海鲜盘已经够我哋两个人食，入面有大量海鲜，例如花甲、龙趸、虾等等，而且仲加入左芝士等等邪恶嘅东西做调味，简直令人胃口倍增！鸡油饭食咖喱配鸡油饭是常识吧！浓浓嘅咖喱海鲜汁同油饭简直系绝配呀，令人食欲大增，正！