Isaak's

营业中

休息中

一间座落于佐敦的韩式餐厅，外面粉蓝及白色相间的屋仔造型，进内有一排排长型木枱及一列卡位，极之宽敞，客人可以无拘无束坐上几个钟。餐厅 以快餐店形式经营，客人先落order，跟住自行取餐，非常方便快捷。午膳返尾声时段，店内唔算太多人。点咗一个lunch set，有芝士辣炒年糕及紫菜包饭，并附送冻柠茶及一小碟泡菜。芝士辣炒年糕虽然份量唔算多，但年糕胜在够大条烟韧，辣味亦可接受，好多汁唔会干身。至于紫菜包饭嘅颜色丰富，又黄又绿， 非常吸睛。材料有鸡蛋、酸萝卜、蟹柳、青瓜及红萝卜丝，好清新的味道，配合一杯冻柠茶，啱啱好。餐厅其实仲有好多地道韩国美食供应，留待下次再试。值得一提嘅系餐厅冇收加一服务费 ，今时今日，比较少有。