BB辣

营业中

休息中

今日同朋友起荔枝角香工买平靓正衫。行完揾晚餐地方，见原来地库有一间餐厅就入去试。见个2人火锅套餐有我们至爱的麻辣鸡煲，几吸引就嗌咗。（唔拣鸡煲仲可以拣酸菜鱼/麻辣水煮鱼）火锅餐跟一碟手切安格斯肥牛，原本以为好细碟，来到原来好大碟，感觉有磅半。鸡煲我们嗌咗BB辣，其实比想像中辣，但钟意食辣的我觉得好正。味道香浓，鸡都几滑，只系略嫌细件左D。食完鸡后加汤食火锅，唔洗豉油都够味。最惊喜竟然系安格斯牛，好食爽口！食哂整碟真系大满足。餐牌将肥牛摆配料果行，以为系普通细碟，无念过咁大碟，睇番原来碟牛都要二旧水，同鸡煲都系主角！所以呢个2人餐其实系双主打，有鸡又有牛！最后要赞下个水晶宽粉，好衬鸡煲的味，劲弹牙！如果两个女仔食，其实呢个餐有点多肉，建议其实可以少D牛，但多些配菜，例如加少少饺子/豆皮/响铃，会更吸引。跟餐加$7有咸柠梳打，以为系比一罐我哋，竟然比冰杯，抵饮！埋单3百几每人唔洗2旧水，性价比算高。