影片
更多
2021-08-30
1257 浏览
之前经过湾仔利东街已经被「金子半之助」呢个名称所吸引，皆因佢同我撞名，我叫做野原新之助嘛，哈哈🤣。星期六想食，但门口大排长龙，所以放弃咗。呢日比我有机会平日嚟食，估唔到下午三点钟都仲要排！餐厅人气真系超高呢，好彩我哋都系等咗十分钟啫👍🏻。如果你下午四点入嚟食就应该唔使等嘅。入到去发现店舖面积原来都几细，粗略数估计得廿多个座位，难怪长期都要等位。餐厅并无华丽嘅装修，用上木系家具，简约嘅设计让人舒服🪵。呢度采用开放式厨房，坐吧枱嘅客人可边食、边欣赏炸天妇罗嘅过程。即使厨房外露，但四周围并无出现污烟漳气嘅景况。作为天丼专门店，佢当然系主打天妇罗丼，但佢提供嘅菜式远比想像中少😳。天丼基本上得三款恒常款式以及一款期间限定，佢哋之间嘅分别仲要唔大，只系得主角食材唔同。饭以外，佢竟然有冷热乌冬卖，有啲意想不到。江户前天丼($138)，天丼果然俾到人一种丰盛华丽嘅感觉😍，天妇罗炸物堆到高高的，近乎遮盖哂啲饭，而且穴子仲要出哂界添，好夸张。伴随丼饭附上味增汤同渍物，味噌汤够热唔太咸，实属基本要求，但做到已经难得。渍物则有腌萝卜同寿司姜。🍚天丼个大饭碗经特别制造，内里深度只达成个碗嘅一半，但可装嘅饭量经已
之前经过湾仔利东街已经被「金子半之助」呢个名称所吸引，皆因佢同我撞名，我叫做野原新之助嘛，哈哈🤣。星期六想食，但门口大排长龙，所以放弃咗。
呢日比我有机会平日嚟食，估唔到下午三点钟都仲要排！餐厅人气真系超高呢，好彩我哋都系等咗十分钟啫👍🏻。如果你下午四点入嚟食就应该唔使等嘅。入到去发现店舖面积原来都几细，粗略数估计得廿多个座位，难怪长期都要等位。
餐厅并无华丽嘅装修，用上木系家具，简约嘅设计让人舒服🪵。呢度采用开放式厨房，坐吧枱嘅客人可边食、边欣赏炸天妇罗嘅过程。即使厨房外露，但四周围并无出现污烟漳气嘅景况。
作为天丼专门店，佢当然系主打天妇罗丼，但佢提供嘅菜式远比想像中少😳。天丼基本上得三款恒常款式以及一款期间限定，佢哋之间嘅分别仲要唔大，只系得主角食材唔同。饭以外，佢竟然有冷热乌冬卖，有啲意想不到。
江户前天丼
$138
14 浏览
0 赞好
0 留言
江户前天丼嘅炸物包括穴子、海老、小柱鱿鱼天妇罗饼、温泉蛋、海苔同荚豌豆，约30厘米长嘅穴子系江户前天丼嘅独有配料，主角非佢莫属🐟。穴子即系指星鳗，佢同一般食开嘅鳗鱼唔同，肉身超厚，油脂较少，肉质紧实。餐厅用料新鲜，以天妇罗炸嘅方式煮就能保持食材嘅原汁原味。🍤海老(即系虾)有两大只，口感爽弹，而小柱鱿鱼饼就只见鱿鱼，小柱好似失踪咗。另外，🥚炸温泉蛋对我嚟讲好新颖，估唔到咁都有得拎去炸，名符其实系「炸蛋」。店员提醒最佳风味系食到一半将蛋戳穿，令饭沾满蛋汁，以增加层次感。
迷你天丼&稻庭乌冬(温)
$118
7 浏览
1 赞好
0 留言
天丼仔嘅炸物包括海老、温泉蛋、海苔、荚豌豆、菇菌同南瓜，后面两样系江户前𠮶款无嘅。🍄炸菇菇几得意，而且仲要系一大抽。衬机会再介绍多少少呢度嘅天妇罗，我第一印象系觉得佢哋好深色，但原来系用咗古麻油嘅效果，而唔系万年油，请放心。天妇罗炸衣酥脆，不过记住要尽早食，因为曝露于空气中好快变淋。炸物同饭蘸上秘制酱油，味香而不腻，亦令成个丼变得唔干身。炸物上更附有微微柚子味🍊，好清香啊。
稻庭乌冬有温有冷可选，我选择咗热汤🍜。乌冬热辣辣送上，面条好特别，扁身嘅形态、每条都好长、质感软硬适中，同市面上买到嘅唔同，所以我相信系餐厅自家制。汤底呈酱油啡色，味道都似采用咗酱油，个人认为就咁饮就咸咗啲。
点选热乌冬嘅客人会获发一个宝盒🎁，入面装住四款配料，包括葱花、海藻、鲣鱼花同天妇罗碎，客人可自由搭配，再加埋另上嘅温泉蛋一齐食，滋味无穷。
饮品方面，餐厅卖嘅主要都系汽水同啤酒，不过枱面亦放有热茶以供享用🍵。每个茶杯内均加入咗黑豆，散发住啖啖豆香，饮住茶食大碗饭绝对有消滞嘅作用。
总括嚟讲，金子半之助嘅天妇罗确系出色😋，而且佢更有一套独特嘅见解，追求嘅系每件天妇罗都能适量地沾有酱汁，并非越脆口就代表越好。佢卖嘅菜式贵精不贵多，即使选择少，但都足以令人再次回头，推介🌟！
张贴
