廚十三老壇酸菜魚 (D2 Place ONE) (已結業)

呢个商场里边有唔少嘢食，今次经朋友介绍嚟试吓呢间都几出名既酸菜鱼，地方环境都算宽敞几好坐，特别系而家疫情梗系要同旁边隔开啲啦，一睇个餐单觉得非常有趣，好多菜名都改得好搞鬼，即系好似冷盘青瓜咁样，就改成拍死前男友😂，令到我真系唔叫唔得，讲返主角酸菜鱼，一上枱见到个份量已经好满足，我哋叫咗二人份量，可以自选两个加菜，我点左餐肉同埋宽粉，酸菜鱼味道酸辣适中，我叫微辣，因为唔系好食得辣但又好喜欢𠮶阵味，就算咁少辣都食得出好野味，鱼块非常非常之滑，宽粉吸左汤味之后超好食，一盘两个人食绝对够，佢有分唔同份量可以自由选择，最后食完喇一定要食一碗冰粉，冰冰凉凉甜丝丝，令人回味👍