白布烏冬 (荔枝角道) (已結業)

前排见有foodie介绍一大块嘅白布乌冬非常新奇有趣，终于揾到朋友一齐嚟试一试听讲呢间之前好多人排队，可惜疫情杀到埋嚟冷清不少，我地晚饭繁忙时间嚟都唔洗等位白布乌冬有汤乌冬、沾乌冬同埋冻乌冬三大种类，咁我都系拣返自己最喜欢嘅沾面沾乌冬鸭肉入沾白布乌冬 $86首先试咗一啖个汤底，汤汁非常浓郁带甜😍里面有几旧烟鸭胸，食落都算重鸭香，肉质够软滑，可惜只有３块左右略嫌太少，仲有些许日式配菜白布乌冬口感烟韧滑溜，咬感同食厚身嘅饺子皮差唔多，好厚同大块，有7~8块左右，每块分明唔会痴埋一旧食起上嚟就比较难夹，因为实在太滑了！！如果有叉应该会方便好多我嘅做法系先用筷子再分开几条再沾汤进食，成块食真系好考夹筷子功力，一唔小心弹到周围系🙈🙈睇落好少但其实食到5块左右已经有饱感，挂汤能力一般，再加上个汤底偏甜容易有腻感另外再叫咗份天妇罗，有红萝卜、冬菇、虾、茄子、南瓜等，整体都算不过不失，炸粉亦唔会太厚总结嚟讲叫做可以一试，题外话我同朋友２个食完冇耐双双肚痛去厕所疴💩💩唔知系边一part出事啦