金凡潮汕菜

营业中

休息中

前日食中餐先讲起，边到有好嘅咕噜肉食，即刻谂起呢间金凡潮州菜。认识嘅原因因为有个朋友post左啲好靓嘅相，然后觉得呢间野几有趣，一于试个lunch。未食先有个汤送。当然打卡力量太强，或者lunch嘅关系，我无谂过佢系一个简单嘅潮州菜馆，还以为系劲贵嘅餐厅。午餐员工大推呢到嘅鱼翅捞饭，当日见大部分嘅客都有点，可能系佢sell得好定系真系咁正？热辣辣的锅上场，个鱼翅以呢个价钱来讲，算系合格，有个白饭俾你送，翅的份量还算多，当然你唔好期待系劲靓嘅货色。加$30可选配一款即炒迷你小菜，当然要食咕噜肉，呢个菜式的确好出色，而且系令人难以忘怀的味道，外面很脆个咕噜汁又做得很开胃同吸引。系椒盐骨，鲜茄牛肉炒鸡蛋同葱爆豆豉鸡之间选了最惹味又唔热气的，葱爆镬气够，不过鸡件都系有骨的位，看看你会唔会喜欢。热饮仲要免费，如果要汽水加冻饮加$3，$118一个lunch咁丰富，尖沙咀附近工作又或者系呢头行街，食餐lunch都几好。