影片
更多
2014-09-13
5241 浏览
小弟一向都喜欢自助餐、放题，因为想食乜就食乜，轻松自在，唔使谂有咩唔啱边个食，不过，近年都食少咗，因为战斗力无后生时咁强，回唔到本感觉总喺无咁抵。但喺，有时就唔喺因为要回本先嚟食放题，就好似今次，一班好姊妹趁快乐星期五搞个放题局，又点可以少我份唔参与。由老友安排好晒一切，嚟到金田日式放题，就要好好尽庆今宵，填满个肚先好走。餐厅占地全层，感觉地方几大，简洁平实，以4、6人枱居多，最钟意喺大部份枱櫈都有木板间开，细细哋自成一角，客与客之间嘅骚扰性大减。内里有数间独立房，可安坐6-8人，亦可以互相打通，成为更大厢房，不过，只用一般木板相隔，隔音麻麻。先讲讲收费，晚市放题既分日子，亦分时段，大可按个人需要拣边个最划算：星期一至四：$198 / 2小时（6:00-8:30 / 8:30-11:00），$228 / 3小时（6:00-11:00）星期五、六、日或公众假期及前夕：$218 / 2小时，$248 / 3小时我哋希望食得轻松，又唔想太急赶，拣「3小时」就最好喇，一来时间长咗，二来唔使指定时段入座同还枱，更能配合大家嘅收工时间，况且，都只不过俾多$30，兼且俾个独立房我哋，绝对抵俾啦！此外
餐厅占地全层，感觉地方几大，简洁平实，以4、6人枱居多，最钟意喺大部份枱櫈都有木板间开，细细哋自成一角，客与客之间嘅骚扰性大减。内里有数间独立房，可安坐6-8人，亦可以互相打通，成为更大厢房，不过，只用一般木板相隔，隔音麻麻。
先讲讲收费，晚市放题既分日子，亦分时段，大可按个人需要拣边个最划算：星期一至四：$198 / 2小时（6:00-8:30 / 8:30-11:00），$228 / 3小时（6:00-11:00）
星期五、六、日或公众假期及前夕：$218 / 2小时，$248 / 3小时
我哋希望食得轻松，又唔想太急赶，拣「3小时」就最好喇，一来时间长咗，二来唔使指定时段入座同还枱，更能配合大家嘅收工时间，况且，都只不过俾多$30，兼且俾个独立房我哋，绝对抵俾啦！
此外，过百款料理任点任食，但店家只供应绿茶，唔包嘢饮，加$12可任饮汽水啤酒，亦有其他额外收费饮品，难得咁高兴，都唔好计咁多，希望尽庆而回。
食放题最开心就喺睇住一大叠点菜纸，食物款式琳瑯满目，虽然拣咩食会感觉有啲「头痕」，不过，一路剔，一路谂，想起一阵堆满枱嘅美食都开心。点菜纸由A类到L类，分别有一品料理、刺身、军舰 / 卷物、串烧、烧物、天妇罗、锅物 / 面食、寿司、手卷 / 沙律、铁板烧、炸物、沙律 / 冷盘。
食物制作需时，加上客多，点都要等一阵，所以先点几个饮品解解渴。友人点了白桃汁（$22/杯，$40/两杯），讲明喺日本进口果汁，味道简单天然；另一位要了苹果味果汁酒（$25/罐），同样由日本进口，睇罐身印住由青森产地直榨果汁，朋友话苹果味香浓，入口酒味唔觉，但越饮就令人面红耳赤。
荔枝味果汁酒 $25小弟就要一杯荔枝味果汁酒，虽然同一个牌子，但竟然细罐过苹果味好多。跟苹果味果汁酒差不多，荔枝果味浓，清甜圆润，易入口，一啲唔觉佢有酒精成份咁，但饮落就知酒精度唔少，有啲似饮鸡尾酒嘅感觉。
A类（一品料理）8款一品料理中，较有兴趣喺个「日式蒸蛋」及「七味牛蒡丝」，前者蒸蛋都做得几滑，内里有冬菇、鸣门卷、蟹柳等等，作前餐前暖暖胃嘅小食都唔错；后者牛蒡丝，加埋甘笋丝，又糁满白芝麻，爽脆清新，香香甜甜。
B类（刺身）食放题，多多少少都有要食到翻本嘅心态，而刺身成为绝大多数人拣嚟「翻本」嘅心水。我哋都唔例外，前后点咗两次刺身，两次都无欺场，选择种类颇多，有成14款，无刻意数齐唔齐款，但每款数量按人头数有俾足，而且，仲冰镇成一大盆卖相精致，色泽艳丽，食起嚟都开心啲。唔逐样逐样讲喇，总之有三文鱼、油甘鱼、吞拿鱼、𫠒红鱼、希灵鱼、甜虾、素鲍片、马刀贝、鲷鱼……等多款，要油润有油润，要爽口有爽口，总括而言，整体都新鲜甜美，质素甚佳。
C类（军舰 / 卷物）颇为饱肚嘅军舰、卷物唔喺食放题嘅目标之一，但友人本身又好钟意牛油果及软壳蟹，所以，只点一客软壳蟹牛油果反卷试试。中间嘅软壳蟹、牛油果入口油滑酥香，内里卷住嘅紫菜亦颇脆口，外层脆卜卜嘅蟹籽令个反卷好有咬口感，只可惜蟹籽偏少，分布极之唔「匀巡」。
D类（串烧）8款串烧我哋拣咗当中6款，包括：鸡软骨串、黑豚肉串、翠玉瓜串、冬菇串、豆腐串、牛舌串，不过，都喺款款一串，小试牛刀，志在试一试。翠玉瓜串及牛舌串喺人气之选，味道唔算有咩突出，但质感着实不错，翠玉瓜爽脆多汁，牛舌惹味咬口，其他嘅就觉得冬菇好食，菇香软绵。
E类（烧物）烧物款式唔算多，但已睇啱两款心水：忌廉粟米焗蚝及香草烧羊架，两样感觉都喺属贵价少少嘅烧物。前者焗蚝件头唔细，虽则蚝味唔喺话超浓，但咬落几爆汁，忌廉粟米汁如再加多一点巴马臣芝士相信更加正；香草烧羊架亦都唔差㖞，不过，似羊扒多过似羊架，但总之几软腍，膻味唔太抢，满满香草惹味，又烧得有啲无焦香，正！若非仲有好多嘢想试，一定翻兜多一件。
F类（天妇罗）香口嘢一向大有市场，所以，点多少少都唔怕无人食，其实天妇罗只有5款食物（海老、松叶蟹棒、南瓜、蕃薯、茄子），故此，我哋自不然都叫齐咁多款嚟试。首先，粉浆做得够薄够脆，香口就不在话下，火喉啱啱好，件件都炸得金黄；鲜虾及蟹棒唔错，尤其前者肉质爽弹；几款蔬果，较钟意食南瓜，味道粉甜自然。
G类（锅物 / 面食）锅物、面食属于易饱肚嘢，所以，点个稻麦冷面试试，纯粹过吓口瘾。面条几有韧劲，再者，入口冰凉透心，食完炸嘢再嚟食佢就最合心。
H类（寿司）因为食咗唔少刺身，故此寿司拣咗火炙款式。先点一客火焰三文鱼，饭粒黏糯有醋香，三文鱼轻炙后更富油香，实在好味，所以，再追加一客火焰三文鱼拼火焰鳗鱼；火焰鳗鱼唔及啲三文鱼咁油润，但搽咗照烧汁，味道都可以。
I类（手卷 / 沙律）喺想叫与唔叫之间，因为易饱肚，又好难分嚟食，最后当然为试其他嘢而无叫啦。
J类（铁板烧）
11款铁板烧选项，拣咗 其中4样大家最感兴趣，可能未必喺最好食，但纯粹个人喜好。日式珍宝饺子、胡麻牛舌、炒杂菜、牛油帆立贝，唔算好出色，叫做稳稳阵阵。饺子煎得底皮焦脆，但饺皮略厚，牛舌太多葱及金蒜，影响麻酱嘅味道，炒杂菜及帆立贝加入大量黑椒炒，颇惹味，至于帆立贝鲜味唔突出，尤幸仲有啲肉感，唔会细粒到无肉食。
K类（炸物）都话香口嘢啱大家啦，炸物又喺必点项目，一碟过点咗芝士年糕、甘虾腐皮卷、吉列广岛蚝及焦糖香脆薯角。不嬲都几钟意食芝士年糕，贪佢咸咸香香，烟烟韧韧，咬落热辣软绵；吉列广岛蚝件头比较细，蚝味亦唔好太期望，焦糖薯角甜蜜香脆，整体炸物做得唔太油，都收货喇！
L类（沙律 / 冷盘）虽然喺排喺最后嘅一类，但并非最后所食嘅一类。芝麻豆腐沙律，豆腐幼滑清爽，芝麻汁香浓，而西柚烟鸭胸沙律，虽然啲沙律几新鲜爽脆，西柚肉清涩多汁，不过，烟鸭胸就普通啲。
食咗咁多和食，够晒皮，不过，临尾再加埋甜品作结，咁先至叫得尽庆。一般放题店都有三数款甜品睇门口，免费供应，不过，金田却返行其道，甜品要额外收费，就连糯米糍都要卖$3粒。一班好姊妹话要尽庆到抵，额外收费都要嗌。
迷你糯米糍 $3 / 粒综合大家所试到嘅，有云喱拿、蜜瓜、芒果、芝麻、香芋几款，从外皮颜色粗略都知道喺咩味道，质素呀？OK啦，至少啲味道都够像真！
原个苹果雪芭 / 原个菠萝雪芭 $52原个生果雪芭喺从日本进口，其实，厅餐自己做番都应该唔难，咁就唔使卖到咁贵一客。雪芭以原个生果做，所以卖相几吸引，尤其个菠萝，小巧可爱；内里雪芭非常冰冻，苹果雪芭满有富士苹果香味，而菠萝雪芭则清甜芳香，两者仲带有少少果肉。此外，生果本身亦可以刮下果肉嚟食，虽然唔多，但冰冻过嘅果肉，入口令人醒脑醒神。
激战足3个小时，又点会唔捧腹而回吖，总之，今宵真喺认真尽庆，食得开心畅快。
张贴
