茶舍 (北帝街)

营业中

休息中

12月23日与同事一同食晏，行过见系新开、多人食同装修都唔错就去试试。好啦~首先去等位，OK等唔系问题，我等....等位其间见有人叫杯饮品几吸引，谂住一阵试下，但最后发觉走𠮶阵差唔好冇饮过，咁就打消左呢个念头(入到去见餐牌，𠮶杯叫芒果沙冰)。一行三人叫左2个安格斯牛扒餐及1个鳗鱼蛋包饭。等左约10分钟食物上枱。先讲下鳗鱼蛋包饭，饭唔系热的，而鳗鱼就唔系平时食𠮶只味(包括鳗鱼寿司、鳗鱼炒饭、鳗鱼饭... 𠮶D味)。跟住讲下安格斯牛扒，见卖相唔错，牛扒都唔系超薄𠮶只，有少少厚度。起初切侧边都几好，但切深少少就见有血出，中间好似冇整过咁(唔知有冇3成熟，其实只得表面系熟)。咁生，紧系叫佢再煎整返熟佢啦~侍应话唔会番煮，会另外整一份出黎。OK，咁等...。等到12:45分仲未有，因1点要回公司，唯有转外卖，到12:50先有得攞外卖。返到公司就谂住应该冇问题啦，话晒都再煮。一打开，块扒well done，唔紧要，可能惊生得济，今次块扒冇问题，但见D饭有部份有D红点，睇落唔似血水，又唔似红姜，都唔系咁敢食，滗出黎，但结果放工返到屋企就肚痛，要去洗手间。