星海薈 (利舞臺廣場)

营业中

休息中

今日过铜锣湾shopping，利舞台五楼《星海荟》环境正，楼底好高，弯弯长楼梯，好适合婚宴包场，食物水准属上品，叫咗个升级大闸蟹套餐，两位起，冰镇花雕南非鲍鱼~花雕酒味道唔错，爽口烟韧鲍鱼够大只。蟹黄会生翅~上菜时已经闻到蟹香味道，仲有一排排嘅生翅，正！紫苏蒸大闸蟹(每只约五両)~两位共四只，啱季节食大闸蟹，由脚食起，充满蟹膏，啖啖香口，要快手趁热食啊。川贝海底椰花胶炖鳄鱼肉汤~唔吃翅的朋友可以拣饮呢个鳄鱼肉汤，一样足料。生拆蟹肉云腿扒豆苗~分两份上，豆苗嫰绿爽口，蟹肉芡汁都打得唔错。招牌原只脆皮皇子鸽~拆蟹要快手，新鲜炸起嘅乳鸽香味已赢，皮香肉脆，原只自己亲手拆食，劲可口！蟹粉小笼包~再来蟹粉小笼包，大大只皮薄馅靓，充满蟹王，小心流汁、烫口。够姜汁九层糕~热辣辣蒸起，烟韧。黑糖姜茶~好够姜。另外加个菜，海参豆腐煲~今次带埋阿女，两个餐加个𩠌已经好够食，呢个海参炆得够淋，豆腐炸香挂上献汁味道要赞。