力寶軒

营业中

休息中

中午去到金钟，谂住试一试力宝轩饮茶食饭，听人讲得多，今次都系第一次，入到去服务员态度很好，很快要找到一个舒适的位置坐低，谂住简单嗌几个点心，点知点心好有特色，例如带子海皇饺，面头有带子，入面有鲜虾，外皮绿色，感觉已经很清新，食落很鲜味。上海小笼包也是满满的汤汁，鲜嫩的猪肉，极鲜甜。我钟意食炸嘢，就买咗炸奶皇包和烟鸭胸咸水角，果然冇失望，奶皇包外脆内软，仲要流心，不过记得摊冻少少先食，一啖咬落去其味冇比。另外咸水角也很惊喜，外皮唔会好厚，非常多馅料，满满的一口就是满足。另外点了一个小食手撕鸡配海蜇，又好香嘅麻油味，海蜇爽脆而且细长，唔会碎碎的。好似食冷面一样的感觉。再加咗一个煎蚝饼，超多蚝仔🦪，有蛋的脆边也有蚝仔的软心。非常配合，一啖一口，非常可口。以为简单的一个午餐，原来都可以有意外的惊喜，下次真系想再试吓其他点心。