金鳳大餐廳 (D2 Place TWO)

营业中

休息中

经常都会喺荔枝角返工，一收工就会同同事去食饭，喺荔枝角都有好多美食，今日就食一间好出名嘅港式扒餐。金凤大餐厅 ，依间餐厅间间都爆满，今日好好彩嚟到啱啱有位唔驶等。呢度地方都几阔，落坐得都几舒适。点完餐之后首先会上个例汤同牛油餐包，例汤可以选择罗宋汤 or 忌廉汤 。罗宋汤材料都好多，带有少少微辣，酸酸甜甜饮完特别开胃。杂扒餐 112 元 加生蒜 蒜蓉汁先用铁板上，店员为你加蒜蓉汁，一落蒜蓉汁睇住个铁板滋滋声，感觉好兴奋。杂扒餐真系好抵食，份量非常之多，有猪扒，牛扒，肠仔，火腿，薯条。猪扒好厚身，而且仲好入味，肉质好松软。重点系啲生蒜，配埋啲蒜蓉汁牛扒一齐食，味道都好有层次。贵族牛扒 五成熟 牛扒好大块而且好厚身，因为用铁板上，点五成熟加埋铁板热力就啱啱好，肉质非常鲜嫩，而且牛肉味好香好重，入口相当Juice，配埋生蒜一齐食，令到牛肉嘅鲜味更加突出。真系好惹味。果然系香港出名嘅扒房，食物嘅质素非常之高，而且价钱好大众化，性价比好高。我哋食完嘅时候，门口已经排晒队。间唔中食一餐锯扒都几开心。