Kampoeng

营业中

休息中

最近好想食印尼菜，前几日就同朋友去左铜锣湾呢间印尼菜餐厅食lunch。沙嗲牛肉串烧我最钟意就系呢个菜式，牛肉淋淋地，入口超好味。串烧有6串，两个人share，分量足够。如果自己一个人食可以叫3串。佢有啲沙嗲汁，捞埋甜豉油同个肉最夹，不过我觉得用黎𩠌饭好夹味，我食左好多。印尼咸鱼炒饭 卖相同平时啲咸鱼炒饭差唔多但食落好好味。炒饭唔会太油，软硬适中。本来惊有咸鱼会太咸但原来食落都唔会。加埋虾片就啱晒为食嘅我啦。Hot ginger honey 想养生啲，所以我就拣左饮热饮。本身已经好钟意姜汁嘅味，佢仲要好足料，好够姜。配甜甜地嘅蜜糖就啱啱好，唔会太辣。