影片
更多
2024-03-21
88 浏览
上次event有嚟過呢間鐵板燒餐廳，一直mark低咗想過嚟食，今次終於有機會過嚟食晚餐啦！呢度有好多間獨立包廂，私隱度好高，同埋抽氣嗰啲都做得好好，食完都唔會成身味😉今次食佢哋嘅鐵板燒二人前，一開始已經比澳洲鮑魚同澳洲龍蝦震撼咗，隻鮑魚足足有成隻手掌咁大，燒好咗之後仲會有厚切、薄切同切粒三種食法，食落去爽口彈牙，我就最鍾意薄切！識我嘅朋友都知道我最鍾意食龍蝦，佢哋嘅龍蝦好新鮮，啖啖肉配埋天使麵喺底一齊食，簡直係人間享受😌餐廳仲特別調配咗一杯Cocktail SALTY7配呢個龍蝦食，上面嗰啲紫色泡泡其實係蝶豆花同櫻花蝦泡沫，飲落去酸酸甜甜，好夾呀🍸另一樣好推介嘅就係A5和牛，會整成厚燒同薄切兩種食法，厚燒揀咗三成熟啱啱好，肉質好嫩滑，一啲渣都冇👍🏻👍🏻我自己就鍾意薄切和牛，裏面夾埋炒香左嘅蒜片同蔥，勁香口，又可以中和啲油膩感！最後仲有湯，炒飯同甜品，呢個份量我覺得啱啱好，又唔會太飽！同埋坐喺度睇住廚師煮嘢食真係好有儀式感，我覺得呢度都好啱慶祝生日或者係節日，記得要預早book位呀！
今次食佢哋嘅鐵板燒二人前，一開始已經比澳洲鮑魚同澳洲龍蝦震撼咗，隻鮑魚足足有成隻手掌咁大，燒好咗之後仲會有厚切、薄切同切粒三種食法，食落去爽口彈牙，我就最鍾意薄切！
識我嘅朋友都知道我最鍾意食龍蝦，佢哋嘅龍蝦好新鮮，啖啖肉配埋天使麵喺底一齊食，簡直係人間享受😌餐廳仲特別調配咗一杯Cocktail SALTY7配呢個龍蝦食，上面嗰啲紫色泡泡其實係蝶豆花同櫻花蝦泡沫，飲落去酸酸甜甜，好夾呀🍸
另一樣好推介嘅就係A5和牛，會整成厚燒同薄切兩種食法，厚燒揀咗三成熟啱啱好，肉質好嫩滑，一啲渣都冇👍🏻👍🏻我自己就鍾意薄切和牛，裏面夾埋炒香左嘅蒜片同蔥，勁香口，又可以中和啲油膩感！
最後仲有湯，炒飯同甜品，呢個份量我覺得啱啱好，又唔會太飽！同埋坐喺度睇住廚師煮嘢食真係好有儀式感，我覺得呢度都好啱慶祝生日或者係節日，記得要預早book位呀！
张贴
