班蘭葉印尼餐廳

营业中

休息中

铜锣湾班兰叶印尼餐厅，除左传统印尼地道菜式外，仲提供一系列东南亚食品，包括多款小食、沙嗲串烧、蔬菜、饭面、饮品、甜品。班兰鸡饭：卖相唔错，绿悠悠颜色既班兰饭，鸡肉嫩滑，黄油油咁，鸡皮爽口唔肥腻，配上一碗清鸡汤，加左蒜粒，散发著独特既香料风味。爪哇炒面：炒面用左印尼甜酱油炒，味道有D似沙嗲酱，配料有牛丸、芽菜、九菜、香葱、仲有只煎蛋铺在上面，摆盘有心思，炒得够镬气，滋味无穷。咸鱼炒怡保芽菜：怡保芽菜每条都水份充足，肥嘟嘟胀卜卜，咬起嚟清甜爽口，加上用左惹味咸鱼炒，简单好食。热黑糯米糖水：椰香味浓，带来营养丰富既口感，系一道滋补又美味既饭后甜品。总结，食物即叫即整，味道充满惊喜，而且份量十足，铜锣湾区抵食推介。