影片
更多
2019-09-15
135 浏览
日期：8月28日人数：3人话说有旧同事转左去铜锣湾返工，得闲当然就去铜锣湾揾佢哋食lunch啦。铜锣湾lunch time选择极多，价钱亦都好平好抵食。今次同事就带咗我去一家东南亚餐厅食饭吹水。餐厅有好多选择，主要都系东南亚菜，包括海南鸡饭，肉骨茶、印尼杂锦饭等等。而平日系有是日套餐，我哋去𠮶日系星期三，我就叫左当日嘅青咖喱鸡肉饭。套餐有附送例汤同埋一杯热饮。成个餐先$45 ，仲抵食过连锁快餐店。青咖喱汁好好味，好送得饭。鸡肉因为吸收左浓郁嘅青咖喱汁，都整得好好食。饭上面仲有一只煎蛋，仲有啲配菜伴碟。例汤系青红萝卜汤，反而有啲颓，当湿下口。同事叫的印尼杂锦椰汁饭睇落都唔错。餐厅地点方便，落巴士之后一行入糖街就到。系喺左手边啲东南亚铺头其中一间嘅地库，落咗去地方好大，平日午饭时间人唔多，所以环境比较静，适合倾计。
人数：3人
话说有旧同事转左去铜锣湾返工，得闲当然就去铜锣湾揾佢哋食lunch啦。铜锣湾lunch time选择极多，价钱亦都好平好抵食。今次同事就带咗我去一家东南亚餐厅食饭吹水。
餐厅有好多选择，主要都系东南亚菜，包括海南鸡饭，肉骨茶、印尼杂锦饭等等。而平日系有是日套餐，我哋去𠮶日系星期三，我就叫左当日嘅青咖喱鸡肉饭。套餐有附送例汤同埋一杯热饮。成个餐先$45 ，仲抵食过连锁快餐店。
青咖喱汁好好味，好送得饭。鸡肉因为吸收左浓郁嘅青咖喱汁，都整得好好食。饭上面仲有一只煎蛋，仲有啲配菜伴碟。例汤系青红萝卜汤，反而有啲颓，当湿下口。同事叫的印尼杂锦椰汁饭睇落都唔错。
餐厅地点方便，落巴士之后一行入糖街就到。系喺左手边啲东南亚铺头其中一间嘅地库，落咗去地方好大，平日午饭时间人唔多，所以环境比较静，适合倾计。
张贴
