Sake Bar CHU CHU

营业中

休息中

好耐冇去过啲性价比咁高嘅酒吧，佢嘅价钱好合理，而且嘢食系非常之高质同好食。当然佢嘅调酒师，侍应嘅服务态度都超级好，知道每一种口味适合配边一种嘅酒，非常之专业我哋一入座嘅时候侍应已经特登问我哋钟意饮开边一种嘅酒，然后再安排俾我哋。食辣嘢嘅时候，佢哋亦都会安排食辣嘢嘅酒俾我哋，每一杯酒都非常之夹佢嘅食物。另外佢哋仲推出咗一个麻辣套餐，除咗有配好嘅酒之外，佢哋串烧都好好食，而我仲另外叫咗麻辣风𩽾𩾌鱼肝，椒麻鸡宝藏，辣味唐扬萝卜糕，牛筋煳麻烧，煳麻唐扬炸鸡等等嘅麻辣嘢食。佢哋嘅辣椒油非常之好食，而且好有惊喜，鱼肝入口即溶，鸡宝藏有鸡心鸡肾等等各式各样嘅内脏，口感唔错，对于我呢种钟意食内脏嘅人嚟讲系超级正。而佢嘅炸鸡炸得啱啱好，外脆内嫩！仲有佢嘅牛油乌贼肝酱炒鱿鱼🦑都超级弹牙雀配埋佢嘅肝酱，令成碟鱿鱼更加香。佢哋嘅酒嘅选择都好多，而且全部都好有特色，连用江户时代酵母酿制嘅酒都会可以喺度揾到，又或者你食完晒所有嘢，想要一杯甜品酒，佢亦都可以有，无论你想要边一种，佢都可以提供，真心非常之贴心。