麵館皇

营业中

休息中

铜锣湾登龙街距离地铁站8分钟，位于内街位置感觉系一间非常细嘅小店，而每次嚟到都好满人，不过唔系太多人嚟到，其实一两个人都好快入到去食嘢。每次嚟到都必点口水鸡套餐，一定要转刀削面，因为佢个药膳汤真系非常之香浓，食过系会非常之挂住佢，同埋喺铜锣湾可以用呢个价钱食到一碗面，仲有口水鸡可以食，可以话系非常抵食！口水鸡唔会好辣，不过口水鸡系带骨嘅口水鸡。另外佢嘅狮子头系非常之出名，一碗面有三粒好大粒嘅狮子头，非常香浓柔软，入面充满肉汁。刀削面系人手整，每一块厚薄都唔一致，食落特别有口感，面食落亦唔会好「粉」，系弹牙爽滑嘅面质，配埋药膳汤，夏天食真系会出晒汗，但真系会挂住佢每个星期都返嚟食佢几次。杯豆浆亦都系好香浓，可以叫热或冻，食碗咁热嘅面，我多数都会叫番杯冻豆浆！