影片
更多
2024-09-22
571 浏览
Lounge Hakuba📍铜锣湾谢斐道535号Tower 535 3楼302号舖位于铜锣湾嘅Tower 535一向都以高质素、高品格。今次衬家姐返香港，我就约好大家嘅朋友，一行四人去撑下台脚，慢慢倾吓偈。呢间餐厅环境有情调、气氛极佳，食物选择多样，大家睇完有兴趣记得bookmark！ 💰$650二人前套餐 👩🏻❤️👨🏻前菜 🥒芥辣八爪鱼 🐙微辛嘅八爪鱼醒胃非常，黏黏滑滑嘅质感同弹牙八爪鱼形式强烈对比。炙烧北海道帆立贝 🐚两片北海道帆立贝经炙烧后多咗一重焦香感，夹配小片柠檬，有清新提鲜嘅作用。帆立贝质感鲜嫩，味道清甜，不带半点腥味。炙烧三文鱼 🍣三文鱼其中一面同样经过炙烧，烧香鱼油同鱼脂，而另一面则保留刺身口感，整体口感具有层次感。逸品料理 🥣唐扬炸豆腐 🧈家姐全场最爱唐扬炸豆腐，豆腐口感滑溜，外皮炸得香脆，刨上清新嘅萝卜蓉，淋上秘制酱汁，外脆内嫩嘅口感令人回味无穷。甜甜辣辣炸鸡 🍗满有Fusion特色嘅甜辣炸鸡采用日式唐扬风油炸鸡件，再淋上韩式调味嘅甜辣酱，日韩风交融，味道颇有惊喜。太卷 🍱寿喜烧牛肉 🐄寿喜烧牛肉太卷选用较腍身嘅牛肉片卷成，寿喜烧酱汁浓香，爱牛人士必点。牛油果忌廉
📍铜锣湾谢斐道535号Tower 535 3楼302号舖
位于铜锣湾嘅Tower 535一向都以高质素、高品格。今次衬家姐返香港，我就约好大家嘅朋友，一行四人去撑下台脚，慢慢倾吓偈。呢间餐厅环境有情调、气氛极佳，食物选择多样，大家睇完有兴趣记得bookmark！
[价钱 Price]
💰$650
二人前套餐 👩🏻❤️👨🏻
前菜 🥒
芥辣八爪鱼 🐙
微辛嘅八爪鱼醒胃非常，黏黏滑滑嘅质感同弹牙八爪鱼形式强烈对比。
炙烧北海道帆立贝 🐚
两片北海道帆立贝经炙烧后多咗一重焦香感，夹配小片柠檬，有清新提鲜嘅作用。帆立贝质感鲜嫩，味道清甜，不带半点腥味。
炙烧三文鱼 🍣
三文鱼其中一面同样经过炙烧，烧香鱼油同鱼脂，而另一面则保留刺身口感，整体口感具有层次感。
逸品料理 🥣
唐扬炸豆腐 🧈
家姐全场最爱唐扬炸豆腐，豆腐口感滑溜，外皮炸得香脆，刨上清新嘅萝卜蓉，淋上秘制酱汁，外脆内嫩嘅口感令人回味无穷。
甜甜辣辣炸鸡 🍗
满有Fusion特色嘅甜辣炸鸡采用日式唐扬风油炸鸡件，再淋上韩式调味嘅甜辣酱，日韩风交融，味道颇有惊喜。
太卷 🍱
寿喜烧牛肉 🐄
寿喜烧牛肉太卷选用较腍身嘅牛肉片卷成，寿喜烧酱汁浓香，爱牛人士必点。
牛油果忌廉芝士 🥑
素食朋友可选择卷有牛油果cream cheese嘅太卷，内里附有青瓜，格外清新可口。
串烧 🍢
明太子山药 🍡
食肉兽以外嘅朋友可以拣呢款比较清淡健康嘅明太子山药一试。山药无特别调味，咬落只有自身嘅鲜甜味，唧上明太子酱烧香后，除多咗一份和风，更多咗一份咸鲜味！
金菇肥牛卷 🥩
爱牛嘅朋友有福了，汁烧肥牛肉汁满满，金菇索尽肉味精华，再加黑白芝麻提升香气，一口一件超满足。
溏心蛋豚肉卷 🥚
必点串烧要数到溏心蛋豚肉卷，一串一只溏心蛋，非常豪气，再以油香四溢嘅豚肉片包裹在外，咬一啖就食到溏心蛋黄同豚肉嘅精髓，推介大家趁热食！
主食 🍜
鳗鱼炒饭 🥙
主食舍弃牛脊肉炒乌冬，选择鳗鱼炒饭确系明智！虽然睇落份量唔多，但3-4人分食都好足够。馒鱼中段位置比较少骨，啖啖肉令人食得放心，蒲烧汁浓稠惹味，配有紫菜丝更添滋味。厨师在意鳗鱼汁拌炒珍珠米饭，令每粒米都被酱汁包覆，加埋青葱、蛋粒等配料，好食到停唔到口。
甜品 🍨
乌龙茶牛奶布甸 🍮
吉士鲷鱼烧要加钱先可以加配，所以我哋拣咗套餐原本跟配嘅乌龙茶牛奶布甸。原来布甸佐有一球云呢拿雪糕，亦有以新鲜生果、木糠碎点缀，卖相好掂。牛奶布甸嘅乌龙茶味极重，爱茶之人一定要试！
一个价钱，食尽11品料理，逸品料理、主食同甜品仲可以自选，自由度都算高，以呢个地段、呢个氛围嚟讲，确系抵食！
[价钱 Price]
💰$118
明太子蛋卷 🍳
我哋另外单点人气之选嘅明太子蛋卷，呢款就最得家姐朋友嘅欢心，每件蛋卷都口感丰盈有层次，明太子夹心馅带有咸香，用上新鲜三文鱼籽装饰，精致卖相令人垂涎欲滴！
价钱 Price]
💰$28
紫苏鸡腿肉 🐓
鸡腿肉肉质紧实，只以简单调料调味，洒上新鲜切丝紫苏叶后一齐食，相当有风味。
[价钱 Price]
💰$58
薯蓉溏心炸蛋 💣
最后一款系朋友至爱，由店员亲自推介嘅薯蓉溏心炸蛋！唔好睇佢平平无奇，其实佢就系一个超大嘅薯蓉炸蛋，内面仲真系放有一只溏心蛋，超震撼！炸蛋下抹有薯蓉，令大大只炸蛋都可以四平八稳咁企喺度。
炸皮有少少烟韧，薯蓉一啲都唔马虎，混入咗碎蛋同芥末籽丰富口感，价钱仲出奇地平，真系劲劲劲推介！
[价钱 Price]
💰$88
冲縄トリート 🍹
最后我叫咗一杯mocktail试试，佢系以苹果汁同青柠汁做base，再以新鲜青瓜同薄荷叶调味，味道冰爽清新，而且presentation好靓，好值得叫返杯饮！
张贴
