備長

营业中

休息中

正式进入秋天，开始想食返啲暖笠笠嘅嘢，今日就再去咗铜锣湾呢间日式串烧专门店。未上菜之前，餐厅系枱面摆咗青瓜、萝卜、生菜等前菜，清一清味蕾。先嚟叫咗冷豆腐，豆腐滑溜清凉，作为前菜一流，除咗酱油调味之外，有木鱼、番茄、青瓜做配菜，仲有一小撮姜，捞埋食有小小辣味吊味。之后开始食烧物：鹌鹑蛋，烧到外面蛋白爽口，入面嘅蛋黄好香。秋葵，外面加咗啲盐令味道冇咁单调。银鳕鱼，烧得恰到好处，鱼皮带焦香，鱼肉滑得嚟结实，味道小小甜，仲有沙律伴碟，唔会觉油腻。豚之大肠，以系系猪大肠，但相对之下酱汁较甜，皮亦较脆，烧完油份好出好邪恶。牛舌厚切，即使咁厚身仍然保持到口感软嫩易咬。茄子，上面铺满木鱼提升口感，烧完之后咬落更加多汁。白膳，既肥美又弹牙，鱼皮烧至脆口。海胆海鲜炒饭，海鲜份量比想像中多，有鱿鱼、蚬等等。海胆creamy得嚟小小甜，加咗黑椒嘅炒饭味道更有层次。餐厅亦自动提供碗仔，非常贴心。食串烧最啱就配啲有气嘅饮品，我就叫咗一杯High ball 降降温。