影片
更多
2022-03-29
234 浏览
放假想食个late brunch，又想倾耐啲，就拣左百乐中心呢间cafe。虽然楼上舖地方唔大，但特登划分左地毡区，有一只大熊仔同其他摆设畀大家打卡，不过当日有客人坐紧就冇影到畀大家睇。小店食物同饮品选择丰富，店员态度友善，客人庆生仲会一齐唱生日歌呢~ 🍽鸭与蛋 Confit Duck and Egg ($208)呢度嘅整法同英国过江龙唔同，油封鸭腿软腍有肉汁，唔会干争争，窝夫系厚实型，加埋蛋汁都唔会腍，面头嘅糖浆可以中和鸭肉嘅咸味，配菜有脆薯饼，蘑菇同车厘茄。 🍽焦糖脆饼牛角酥窝夫 Lotus Biscoff Croffle ($68)Croffle牛油香重，比一般窝夫烟靭，面头唧满cream，再加上焦糖酱、原块Lotus饼同饼碎，啱哂蚂蚁人，由于有cream系面，记得要趁热食，摆多阵就冇咁酥脆架啦。 🍽牛油果忌廉芝士牛角酥窝夫 Avocado Cream Cheese Croffle ($68)Croffle近期食得多，咸食版好似第一次试，估唔到实物比menu嘅图片更吸引，除左铺面嘅牛油果片外，忌廉芝士都加左牛油果蓉，牛油果熟度刚好。 ☕️Avocoffee (Layback Excl
🍽鸭与蛋 Confit Duck and Egg ($208)
呢度嘅整法同英国过江龙唔同，油封鸭腿软腍有肉汁，唔会干争争，窝夫系厚实型，加埋蛋汁都唔会腍，面头嘅糖浆可以中和鸭肉嘅咸味，配菜有脆薯饼，蘑菇同车厘茄。
🍽焦糖脆饼牛角酥窝夫 Lotus Biscoff Croffle ($68)
Croffle牛油香重，比一般窝夫烟靭，面头唧满cream，再加上焦糖酱、原块Lotus饼同饼碎，啱哂蚂蚁人，由于有cream系面，记得要趁热食，摆多阵就冇咁酥脆架啦。
🍽牛油果忌廉芝士牛角酥窝夫 Avocado Cream Cheese Croffle ($68)
Croffle近期食得多，咸食版好似第一次试，估唔到实物比menu嘅图片更吸引，除左铺面嘅牛油果片外，忌廉芝士都加左牛油果蓉，牛油果熟度刚好。
☕️Avocoffee (Layback Exclusive) ($68)
牛油果咖啡源于澳洲，本身只系gimmick，挖空牛油果黎装咖啡，后来香港唔少cafe将佢改良，融入自己的特色，呢度嘅版本就似牛油果沙冰加咖啡，饮落无想象中咁唔夹，反而令咖啡口感更丰盈顺滑，钟意新奇配搭嘅朋友要试吓。
☕️Espresso Tonic ($62)
食完甜腻嘅野饮expresso tonic简直透心凉，视觉效果亦一流。
餐牌：
张贴
