川粵時光 (已結業)

今日嚟到位于登龙街嘅一间川菜食晚饭，呢度大厦最顶个几层，近窗边同房都望到夜景，餐厅位置阔落，但台数唔多，所以个场唔会好多人好嘈，无论约会定朋友叙旧都好适合！叫左杯橙汁，同埋一杯系荔枝特饮，里面都几多荔枝果肉，几甜几清新，食浓味野嘅时候好o岩饮。我地叫咗三个前菜包括酸辣鱼皮、酸辣凤爪同埋拔丝秋葵。酸辣鱼皮辣得嚟而且爽口，鱼皮一啲都唔腥，好有咬口。秋葵咬落去味道好新鲜，麻辣惹味之余都算都几开胃。酸辣凤爪唔会太冻，好入味但又唔会太酸。叫咗一个几特别嘅黄金椰菜花 ，每一个椰菜花都沾满咸蛋黄，椰菜食落去爽口，甘香嘅咸蛋黄味令这道菜变得不平凡 。酸菜鱼嘅鱼肉无骨而且好软滑，里面加左好多芫荽，所以辣之中又带点清新，令鱼肉嘅鲜味都好特出，里面仲有荞麦面，所以食呢个鱼都饱肚！甜品系冰粉，好清甜爽口！