正潮樓

营业中

休息中

铜锣湾嘅正潮楼新店主打高级潮州菜，由国家级大师傅坐镇，以潮式海鲜为主(包括鱼翅、海参、鲍鱼、燕窝等名贵食材)，相当有传统古色古香潮州菜馆嘅味道。菜式相当精致，有功架有实力嘅潮州菜馆。汕头煎蚝烙 $128蚝肉饱满肥美，蚝肉多到满泻，完全唔需要沾酱汁，煎得够晒香，食蛋味同蚝肉鲜味为主。鹅肉 $138［例］鹅肉嫩滑，卤水汁浓而不咸，衬托到鹅肉的特有肉香特出。鱼露浸花甲 $218第一次食呢款潮州菜式，不要误解加咗鱼露会咸，相反完全唔咸，反而鱼露嘅鲜香味同花甲好夹。芋头炒香饭 $138比普通嘅潮州炒饭更香，秋冬系食香芋嘅季节，点呢个芋头炒饭就啱晒。猪油炒蕃薯苗 $128推荐嘅蔬菜，略略爆香猪油，番薯苗吸收咗猪油嘅香味，但系又唔会油腻。真系食到好满足，我最钟意系蚝饼同埋鹅肉，回味无穷。餐厅好似精致私房菜馆，可以包厢，服务周到个人化，家庭同朋友聚会都好适合。