影片
更多
2025-02-25
641 浏览
去咗咁多次Mira Moon，平时都唔多觉有餐厅，今次难得见到有就谂住试吓，而且听闻系唐述总厨做顾问，价钱亦都合宜。食完之后整体觉得都几有惊喜，而我都系最钟意佛跳墙。‣ 江西豆腐，金沙白饭鱼豆腐外脆内软，豆腐皮金黄酥脆，豆香浓郁，嫩滑到好似食豆腐花。而白饭鱼上面铺满金沙，相当惹味，前菜开始已经觉得有惊喜。‣ 大宅佛跳墙上枱嘅时候望落细细盅，但相当足料，对得住佢嘅价钱，花胶、海参、鲍鱼、瑶柱等等都有。汤汁浓郁黏稠，汤头饮落去清爽又唔油腻，啖啖海鲜味渗出嚟。‣ 蟹黄银针烩玉带蟹黄酱汁真系渗住浓郁嘅蟹膏香气，香浓惹味，带子处理得相当好，口感鲜嫩弹牙，食落口嘅时候微微炙烧嘅香气相当令人回味。‣ 20年古月龙山花雕蛋蒸虎虾球虽然外表比较朴实无华，但系食落口嘅时候真系带到惊喜，冇谂过花雕酒同埋蒸蛋个味道可以咁夹，滑溜而酒香扑鼻，吸收晒花雕酒嘅香。虎虾球相当爽口弹牙，用料够晒新鲜。‣ 拔丝咕噜肉猪肉炸到金黄香脆，裹住嘅糖丝拉得好靓，一啲都唔会觉得太甜。个猪肉本身已经好嫩滑，配埋个糖丝甜中带香，火候掌握得好好，肉质软嫩，糖丝香脆。‣ 香煎一夜鲜麒麟鱼麒麟鱼新鲜弹牙，鱼皮煎到金黄香脆，鱼肉嫩滑多汁
‣ 江西豆腐，金沙白饭鱼
豆腐外脆内软，豆腐皮金黄酥脆，豆香浓郁，嫩滑到好似食豆腐花。而白饭鱼上面铺满金沙，相当惹味，前菜开始已经觉得有惊喜。
‣ 大宅佛跳墙
上枱嘅时候望落细细盅，但相当足料，对得住佢嘅价钱，花胶、海参、鲍鱼、瑶柱等等都有。汤汁浓郁黏稠，汤头饮落去清爽又唔油腻，啖啖海鲜味渗出嚟。
‣ 蟹黄银针烩玉带
蟹黄酱汁真系渗住浓郁嘅蟹膏香气，香浓惹味，带子处理得相当好，口感鲜嫩弹牙，食落口嘅时候微微炙烧嘅香气相当令人回味。
‣ 20年古月龙山花雕蛋蒸虎虾球
虽然外表比较朴实无华，但系食落口嘅时候真系带到惊喜，冇谂过花雕酒同埋蒸蛋个味道可以咁夹，滑溜而酒香扑鼻，吸收晒花雕酒嘅香。虎虾球相当爽口弹牙，用料够晒新鲜。
‣ 拔丝咕噜肉
猪肉炸到金黄香脆，裹住嘅糖丝拉得好靓，一啲都唔会觉得太甜。个猪肉本身已经好嫩滑，配埋个糖丝甜中带香，火候掌握得好好，肉质软嫩，糖丝香脆。
‣ 香煎一夜鲜麒麟鱼
麒麟鱼新鲜弹牙，鱼皮煎到金黄香脆，鱼肉嫩滑多汁，每一块鱼鳞都唔会放过。有别于平时蒸鱼配青葱，煎鱼配青葱啱啱好可以解腻同埋中和豉油嘅咸，真系食到停唔到。
‣ 虾子花胶浓鸡汤，拌菜苗、手工拉面
食到呢个位已经饱饱地，但系都系忍唔住饮晒成碗鸡汤。手工拉面口感相当烟靭，虾子香气四溢，而鸡汤都熬到好浓郁，花胶真系锦上添花。
‣ 芋茸炖鲜奶
鲜奶相当香浓顺滑，甜度控制得啱啱好，真系做到甜而不腻。而芋茸香滑绵密，本身奶香十足，所以搭配埋鲜奶两者真系互相辉映，作为甜品嚟讲相当之满意。
张贴
