家賀屋

日本菜一定系我最钟意嘅菜式，不过有时觉得喺香港食日本嘢唔抵，尤其是喺铜锣湾呢啲地方，如果去居酒屋，散叫，其实好多时每个人要食$700先走得，今次俾我发现原来铜锣湾都有好抵食嘅晚市定食，冇听错，系晚市唔系午市！佢定食嘅款式有好多，有寿司刺身丼饭同埋烧鱼，最平百几蚊到就有一个定食，包一啲前菜例如沙律，汤，同埋蒸蛋之类。叫咗个旗本寿司定食，寿司系好新鲜嘅，我更加想赞佢嘅软骨饺子，口感好好，算系我食过觉得最好食嘅日式饺子！仲有佢个鱼汤真材实料，好鲜甜！想再化算啲嘅可以叫丼饭定食，份量好大碗，男仔都会够食，仲有佢个海鲜汁蒸蛋又系超好味超滑！不得不提系佢嘅一夜干，烧得好好，外面脆里面系Juicy，自己屋企如果冇烧鱼海鲜汁架，真系好难整到咁样嘅口感。另外吉列广岛蚝讲紧$68有四大只，真系抵到喊。身为一间居酒屋佢嘅饮品选择都好丰富，我叫咗柠檬冰果碳酸酒， $58有500 mL劲大杯，唔会太浓，女仔啱饮，真系好满足。好耐都冇食过香港好抵食嘅日本菜，今次我觉得呢到真系一大发现，环境好舒服，侍应都好亲切，非常good!