Milu Thai มิลู่ไทย (百樂中心)

营业中

休息中

呢一日约咗朋友食饭，朋友话上网见到人哋讲呢间餐厅好好食咁，好似好出名，于是我哋就话book嚟试吓，佢冇得上网订位，早几日已经打电话去book，不过可能因为星期五比较full，早啲嘅食饭时间已经冇晒位，唯有book 8:30。呢度系上楼嘅餐厅，如果唔系人哋介绍真系会知，不过上到去一开门已经见到好多人，都有其他人同我哋一样book 8:30，应该真系几受欢迎啊！坐低之后就睇吓叫咩食，我哋望吓周围嘅枱，差唔多每台都有叫火山排骨（应该系呢度嘅招牌菜？）不过平时食泰国嘢其实我未见过呢道菜😹 见到个个都食，我哋都有谂系咪应该叫一个，不过今次只系得我同朋友两个人，见到人哋好大碟应该食唔晒。最后我哋叫咗沙嗲串烧、泰式生虾、炸虾饼、煎薄饼、最特别嘅系咖喱三重奏！🥘 真系一次过可以满足三个愿望！啱晒选择困难症嘅我😂😂 一个煲就有齐晒红咖喱、青咖喱、黄咖喱，仲要三只都非常好食！佢呢个煲系跟咗蒜蓉包粒嘅，亦都系第一次咁样吉住点嚟食，好似人哋食芝士火锅支叉咁😆 有趣又好食！呢个值得推介！ 不过唯一失望系个煎薄饼反而系剪得太趣，有少少硬，冇乜平时烟靭嘅口感，亦都变得冇咁索汁！