影片
更多
2023-12-10
31 浏览
山 Yama📍铜锣湾耀华街38号The Zing!15楼今年5月，我同朋友到访一间好有格调嘅おまかせ日式餐厅食午饭，佢哋嘅出品优质、摆盘有气势，无论系为打卡定系为食好嘢都可以食得好满足。适逢朋友生日，加上山推出咗唔少新菜式，所以我决定book平日晚上，同朋友好好庆祝生日。我好开心朋友好满意呢餐生日饭嘅安排，除咗要多谢自己拣到一间佢钟意食日本菜同佢庆祝外，更要多谢餐厅嘅配合同安排惊喜！餐厅用心安排嘅生日set有齐靓靓水晶音乐球、生日贺卡同一只精美嘅山形玻璃杯做礼物，自问如果系我自己准备，一定无咁有心思！二访山后，最大嘅感觉就系呢间餐厅环境好、服务质素高，店员们都非常贴心同熟悉餐点嘅特色。当晚有好几台嘅食客都系专程嚟食饭庆生，相信无论环境、食物定系餐厅嘅安排都会令寿星仔女感难忘。今次嘅食评分咗上下两篇，上篇主要分享前菜及主菜，下篇则重点介绍甜品、汤品及餐饮。 💰$788山の冬 🦀我帮朋友安排咗山の冬呢个套餐，除咗因为被近期社交平台posts烧到外，就系因为我呢位朋友系爱蟹之人，睇过menu后就知佢实会钟意。先付け 🍱前菜三点喺用一个好精致嘅半透明木箱装碟，箱底铺满小石春，仲有迷你亭子装饰，
📍铜锣湾耀华街38号The Zing!15楼
今年5月，我同朋友到访一间好有格调嘅おまかせ日式餐厅食午饭，佢哋嘅出品优质、摆盘有气势，无论系为打卡定系为食好嘢都可以食得好满足。
适逢朋友生日，加上山推出咗唔少新菜式，所以我决定book平日晚上，同朋友好好庆祝生日。我好开心朋友好满意呢餐生日饭嘅安排，除咗要多谢自己拣到一间佢钟意食日本菜同佢庆祝外，更要多谢餐厅嘅配合同安排惊喜！餐厅用心安排嘅生日set有齐靓靓水晶音乐球、生日贺卡同一只精美嘅山形玻璃杯做礼物，自问如果系我自己准备，一定无咁有心思！
二访山后，最大嘅感觉就系呢间餐厅环境好、服务质素高，店员们都非常贴心同熟悉餐点嘅特色。当晚有好几台嘅食客都系专程嚟食饭庆生，相信无论环境、食物定系餐厅嘅安排都会令寿星仔女感难忘。
今次嘅食评分咗上下两篇，上篇主要分享前菜及主菜，下篇则重点介绍甜品、汤品及餐饮。
[价钱 Price]
💰$788
山の冬 🦀
我帮朋友安排咗山の冬呢个套餐，除咗因为被近期社交平台posts烧到外，就系因为我呢位朋友系爱蟹之人，睇过menu后就知佢实会钟意。
先付け 🍱
前菜三点喺用一个好精致嘅半透明木箱装碟，箱底铺满小石春，仲有迷你亭子装饰，同山嘅氛围互相呼应。打开盖后，仙气四溢，彷佛打开咗宝盒，见到令人垂涎嘅前菜：蟹粉带子、小天妇罗、日式渍甜茄。
蟹粉带子 🦀🐚
店员推介由左至右嘅次序进食，蟹粉带子鲜甜厚肉，轻轻火炙过嘅表面变得焦香，再喺表面淋上金金黄黄嘅蟹粉，食后齿颊留香，爱食贝类同蟹嘅朋友必试。
小天妇罗 🍤
中间嘅系小天妇罗虾，话就话系小天妇罗，但虾嘅size一啲都唔细，虾肉爽口弹牙，炸浆更唔会过厚过油，相当美味。
日式渍甜茄 🍅
三款前菜中卖相最普通嘅系嘅日式渍甜茄，唔怕话你知，其实我真系好怕食蕃茄仔，每次谂起咬开后𠮶阵草青味同腥味都感到怕怕，一直唔明点解会有人当小食食。但估唔到呢款渍甜茄可以令我改观，更令我忍唔住讲咗句：「如果以后食嘅蕃茄仔都系呢种味，我一定日日都食佢！」，朋友听罢就志气高昂咁话：「好，咁等我努力研究，以后就整呢只味嘅蕃茄仔俾你食！」。
到底呢道渍甜茄系点夺取我嘅欢心呢？答案就系陈皮！我哋从来未食过咁开胃嘅蕃茄仔，一入口虽然同样爆汁，但散发出嚟嘅系好清香嘅陈皮味。蕃茄仔嘅口感，陈皮嘅香味，两者夹到不得了，就系咁独特嘅味道令我哋一试爱上！
お造り 🍣
法式拖罗 🐟
识我嘅都知我唔太好食吞拿鱼，因为佢嘅中伏机会都几高，唔系有筋，就系啲肉好霉好腥，但山呢道法式拖罗再一次令我爱上食吞拿鱼。
摆盘唔洗多讲，同样系仙气满满，喺树叶形嘅碟上放上一件油脂丰厚嘅法式拖罗。店员推荐用紫菜卷住紫苏叶同拖罗一齐食，经炙烧后嘅拖罗充满油香，焦香嘅表面令口感同香气升华，拖罗近乎入口即溶，食尽鱼脂同鱼油嘅鲜味，味道非凡！
烧物 🍢
A4宫崎牛厚烧 🥩
朋友一人独享呢度牛料理，A4宫崎牛必须趁热食，牛肉汁多有韧劲，牛味浓郁。酱汁用咗圣护院芜菁同牛肝菌调制而成，搭配蒜片一齐食，令人回味无穷。
锅物 🍲
松叶蟹脚龟甲锅 🦀
重头戏之一嘅松叶蟹脚龟甲锅都无令我哋失望，松叶蟹脚肉质鲜嫩，处理蟹脚嘅方法便利食用，唔怕失仪。锅内有大量蔬菜同菇类，小火炉既能保温，又能煮出菜蔬嘅精华，令原本清甜嘅汤底味道变得更丰富。
お食事 🍚
蟹粉乌冬 🍜
山の冬另一重点当然系蟹粉乌冬啦，食呢道主食时更显餐厅嘅细腻，蟹肉乌冬同蟹粉系分开上嘅，蟹粉有用火㷫住，建议先食原味，再按自己口味加入醋作调味，食得非常讲究。
乌冬偏幼，口感滑溜，加入蟹粉同醋一齐食，系顶级滋味。三款唔同年份嘅醋味道各有千秋，朋友钟意偏酸嘅三年醋，我就钟意甜嘅十年以上醋。无论系加边一种醋，味道都比净食原味好食，大家预必试试。
张贴
