Mano (The L. Square)

今日跟朋友去到铜锣湾揾食，我哋拣咗间位于L Square 楼上意大利餐厅 “Mano”好彩朋友有预早book枱，餐厅俾咗一张单边位二人枱，坐得舒服。一到6:30pm 左右，餐厅已经有好多食客入座。叫咗$888的2人套餐，饮品仲可以买一送一，所以叫咗两个mocktails，真心觉得好抵。^_^1. 前菜有Parma Ham加牛油果沙律，绝对精致好味。2. 是日餐汤系南瓜汤，上枱热辣辣，好Creamy，正。3. 8OZ 意大利牛柳配火箭菜，牛柳五成熟非常鲜甜容易入口，加埋火箭菜清新沙律非常夹。4. 另外一个主菜系带子三文鱼子龙虾汁扁意粉。带子煎得香口内软，带子肉好厚，意粉分量刚刚好。5. 黎到意大利餐厅，梗系叫Tiramisu啦，非常软滑。6. 二人餐，另外一款甜品就系蓝莓cheese cake，芝士味香浓，好味。整体来讲，食物价钱优惠，食物水准高上，性价比极高，值得一试再试。