家賀屋

放工黎到铜锣湾家贺屋食日本餐～呢度既寿司刺身好高质！最近仲有做紧啤酒半价，同埋原只伊势龙虾刺身特价288蚊～今次黎都同朋友叫左好几款野share食！劲高质而且仲有大热既龙珠卷！正！1️⃣月见—极丼（$198）（定食+$45）定食配埋海带味噌汤、沙律同埋海鲜茶碗蒸。茶碗蒸好足料入面仲有蚬肉、帆立贝、菇。另外主食有得拣乌冬同荞麦面，拣左月见明太子伴乌冬，乌冬弹牙再加上蛋汁增加滑溜口感👍重点系个月见丼！满满吞拿鱼蓉加海胆、三文鱼籽，再加上生食既蛋黄，邪恶值max！食落creamy浆口，但系又加上三文鱼籽脆脆口感，口感丰富！2️⃣特选海鲜丼（$338）呢个鱼生铺满晒碗边🤩全部都好新鲜而且款式超多。仲有平时鱼生丼少见既矶煮鲍鱼、大拖罗！鱼生质素好高，两只牡丹虾好大只厚肉，然后仲有海胆、赤贝、炙烧左口鱼呢啲我好钟意既食材，大满足！3️⃣海胆龙珠卷（$138）冇谂过呢度有得食大热既龙珠卷！每一粒都包住靓靓既酱油渍蛋黄，加上海胆同埋吞拿鱼蓉，劲正😍4️⃣活赤贝寿司（$88）活赤贝食落好爽口！一份两件，啱啱好可以一人一件～5️⃣黑松露烟熏帆立贝（$35/件）好大粒带子！食落带微微黑松露香味😋6️⃣三文鱼腩刺身（$72）劲厚！食