影片
更多
2024-07-03
527 浏览
话说同朋友都好挂住印尼有个菜式叫加多加多，于是就试吓搜寻港岛区嘅印尼餐厅，原来喺维园附近一条街，可能平时太多工人姐姐聚集，都聚集咗一堆印尼餐厅。餐厅细细间，堂食大约20个位。一嚟当然就一定要食加多加多沙律，加多加多其实系印尼嘅一个沙律汁，花生酱加沙嗲，配有印尼豆饼(天贝)，杂菜，豆腐，同埋四旧糯米饭，虽然佢叫沙律但系其实已经系一个主食咁大份😆好彩呢间餐厅配合返香港人嘅口味，个酱汁一啲都唔辣。然后叫咗个巴东牛肉饭，牛肉饭份量相对细份，牛肉大概有五至六旧，咬落去似系好腍嘅牛脷，不过都系唔辣嘅，相当配合到香港人。因为好想试吓𠮶个白须牛丸，于是叫咗一个面，碗面只系$68但系劲足料，牛丸足足有五大粒。其实冇谂过印尼嘅牛丸都会咁好食，佢系咬落去好Juicy会有少少爆汁嘅效果，而且同时都食到牛味，好惊喜🥰印尼餐厅又点少得串烧？餐厅推介烧豆卜，我哋都叫咗，佢淋咗印尼特有嘅辣味黑豉油一齐烧，唔使点沙嗲酱都已经够味，而且仲有淡淡嘅辣味好过瘾。最后我哋叫咗一个香茅可乐，同埋一杯斑斓椰汁珍多冰，珍多冰系用椰糖做底，饮落劲香椰子味超开心🤩整体上嚟讲可以encore，但系作为钟意食辣嘅我希望佢啲菜式可以辣少少，不
餐厅细细间，堂食大约20个位。一嚟当然就一定要食加多加多沙律，加多加多其实系印尼嘅一个沙律汁，花生酱加沙嗲，配有印尼豆饼(天贝)，杂菜，豆腐，同埋四旧糯米饭，虽然佢叫沙律但系其实已经系一个主食咁大份😆好彩呢间餐厅配合返香港人嘅口味，个酱汁一啲都唔辣。
然后叫咗个巴东牛肉饭，牛肉饭份量相对细份，牛肉大概有五至六旧，咬落去似系好腍嘅牛脷，不过都系唔辣嘅，相当配合到香港人。
因为好想试吓𠮶个白须牛丸，于是叫咗一个面，碗面只系$68但系劲足料，牛丸足足有五大粒。其实冇谂过印尼嘅牛丸都会咁好食，佢系咬落去好Juicy会有少少爆汁嘅效果，而且同时都食到牛味，好惊喜🥰
印尼餐厅又点少得串烧？餐厅推介烧豆卜，我哋都叫咗，佢淋咗印尼特有嘅辣味黑豉油一齐烧，唔使点沙嗲酱都已经够味，而且仲有淡淡嘅辣味好过瘾。
最后我哋叫咗一个香茅可乐，同埋一杯斑斓椰汁珍多冰，珍多冰系用椰糖做底，饮落劲香椰子味超开心🤩整体上嚟讲可以encore，但系作为钟意食辣嘅我希望佢啲菜式可以辣少少，不过呢间餐厅好想试新嘢但又怕辣嘅香港人😙😙
张贴
