Ocio オシオ (已結業)

今日同朋友嚟荷里活广场食晚饭，呢间新餐厅好简单素净，木系餐枱配上圆形白光灯非常和谐，再经镜子反射显得十分光猛，墙上嘅公仔涂鸦好可爱❤️呢度采用电子落单，可有效提高服务效率👍🏻🦆脆皮烤鸭配焗薯饼香橙黑醋酱🍊 摆啲卖相好靓❤️，烤鸭好大件，外皮烤得好香脆，肉质结实，一啲都唔油腻，不过觉得有啲干所以边位比较硬，配上香橙同黑醋酱非常夹，酸酸甜甜感觉Refreshing; 焗薯饼好特别，唔系普通嘅薯饼，加咗西兰花🥦同其他蔬菜，薯饼质感亦比较幼滑😋🍵焗镬仔绿茶班戟心太软最底系班戟心太软，中间系曲奇饼🍪，最上系一大球抹茶雪糕🍨一切开心太软，流心效果强烈，好似熔岩咁倾泻而出🌋，抹茶味香浓，甜度适中。是日餐汤：蕃茄浓汤🍅蕃茄味几香浓，酸酸甜甜好开胃，浓稠度适中，加咗香草提升香味👍🏻整体来讲，食物质素不错，环境舒适素静，干净企理卫生，服务态度良好。