Vol.1 Cafe

营业中

休息中

系铜锣湾闹市中央，试咗一间上楼嘅cafe，环境同食物质素都比想像高汁好多，气氛都好chill，估唔到铜锣湾都有啲咁好食嘅餐厅但系唔多人。叫咗一个「龙虾汁蟹肉手工意粉」。佢嘅意粉系手工寛条面，面质适中偏硬，食得出系真材实料嘅手工意粉。龙虾汁都好浓好香，上到枱嘅时候好想即刻食，食完感觉可以咸少少，汁入面都有唔少嘅蟹肉。再嚟系「经典卡邦尼手工意粉」，呢个手工意粉系圆粗面，味道虽然简单但系好突出，佢哋嘅卡邦尼酱同车打芝士混合得恰到好处，份量亦都好足够。至于「炙烧白松露鸡翼」，外层香脆，里面嘅鸡肉又嫩滑，而且大大只，亦都食到有松露嘅味道但不太足浓。饮品方面，「抹茶奶盖士多啤梨奶」味道清新，抹茶味浓郁，同士多啤梨嘅甜味几夹，不过我就觉得甜咗少少。而「espresso tonic」喺天气咁热嘅日子里喝真系一绝，espresso无咩苦涩味同清新嘅tonic混合，非常解渴。我觉得最最最好食嘅系「抹茶巴斯克麻薯蛋糕」，个蛋糕嘅抹茶味好浓好滑，同上面嘅酱汁好夹，里面嘅麻薯口感软滑烟烟靭靭，食完系会想再叫多个食食。呢间cafe好适合大家同朋友lunchtime上嚟食个饭或者teatime上嚟饮杯野食个蛋糕！