Ember (已結業)

放工又系觅食嘅好时机⋯ 今次同同事出左位于铜锣湾的一间酒吧餐厅。呢到环境舒适，暗暗地几Relax，系饮下野食下饭的好地方。餐厅仲有几部大电视播放球赛，相信球季应该会好热闹。先叫左碗法式龙虾汤为呢餐饭打响头炮⋯ 味道龙虾味浓厚，而且加左D忌廉，令口感更滑更香口。凯萨沙律用的菜都好脆口，而且清甜。上面用了大量刨得薄薄的芝士，令整体的味道更香。如果大家觉得太清的话，仲可以比多$30配埋烟三文鱼/烤奇津鸡胸肉/黑毛猪火腿。主食我们拣了一份意份及一份排Share⋯呢个北海道鲜带子扁意粉，用了鲍鱼汁煮所以意粉特别香。加上烟肉、车厘茄、芥兰苗及蒜片，味道辣辣地，都几惹味。近排我大爱黑毛猪扒，因为肉味较一般的猪排更浓郁，所们我们仲叫左一份烤西班牙黑毛猪扒⋯ 叫左7成熟的猪扒烤得刚刚好，唔似其实餐厅咁干争争。同朋友仔见面，有大量讲唔完的话题⋯所以我们每人都叫左杯Cocktail边饮边倾。呢杯Pop Punch用了奇异果及青瓜泥，再加入青柠汁及梳打水，味道非常Fresh！朋友仔就叫左杯Beat of Candy⋯若果你钟意甜味的饮品，呢杯就岩你了！系梳打加入芒果及糖果糖浆，整杯甜甜的，一定可以令心情大好。