汐

营业中

休息中

呢到除左poke bowl之外，仲有意粉同丼饭，非常吸引，而且环境仲好舒服。<建议可以先订位，当日接近晚饭时间都近乎满座>招牌富士山卡邦尼意粉 - 一堆蟹籽蟹柳堆出嚟嘅小山丘，卖相已经好吸引，成个意粉同好creamy又唔会太腻，食得出心机之作。酱油渍角切三文鱼配酱烧三文鱼腩 - 有粟米，中华沙律，蟹籽，青瓜，蟹柳同三文鱼铺向饭上，已经好色彩缤纷，食欲大增，角切三文鱼嘅份量都多而且肥美，三文鱼腩烧得香脆可口，每一啖都满足感满满。加$58仲可以转套餐有黑松露忌廉汤+饮品同甜品，当日嘅甜品仲系tiramisu。小食拼盘 - 豆腐鱼饼好有惊喜，虾饼亦都炸到好香脆，啖啖肉好满足。静岗抹茶豆乳 - 厚厚嘅一层奶泡配埋香浓嘅抹茶，钟意抹茶嘅一定要试。山梨县蜜桃碟豆花鲜奶 - 清新解腻，大满足。当日追踪小店嘅社交平台同like post仲有95折优惠，同埋可以用最优惠嘅价钱加购原条鳗鱼寿司同酱烧三文鱼，性价比非常之高。