GARIGUETTE

营业中

休息中

当初第一次认识佢嘅时候，就已经俾佢嘅外型深深吸引住。平时经过已经好想试，今次终于夹到人一齐试吓（特登晏昼唔食咁多嘢），挣扎咗好耐最后拣咗一款限定口味同冧酒提子，食完之后觉得下次都可以试吓咸嘅口味，应该会几impressed。‣ Pêche Et Pêche $168因为桃好易氧化，平时见到桃嘅甜品都抵受唔住诱惑嗌嚟试。白桃够甜，几钟意佢啲吉士酱唔会整得特别甜，搭配本身已经烧得焦香嘅饼皮觉得啱啱好。几钟意里面嘅一啲心思，食到有玫瑰花瓣同少少开心果碎，唔会抢咗桃本身嘅香甜，个味道又唔会太单一，几满意。‣ Rhum & Raisins $128朋友本身惊白桃太甜，谂住嗌个重啲酒味嘅平衡一下（虽然听落好似冇乜逻辑），食嘅时候同桃味好唔同，确实比较清新啲，酒味都比较突出。本身钟意食提子干嘅话应该会好满意，朋友好酒就几钟意呢一款，我自己就钟意桃多啲。