影片
更多
2025-01-24
201 浏览
最近带朋友去咗铜锣湾一间楼上的Omakase，钟意佢哋菜式多元，套餐包含25道菜，仲有汤同甜品，食到好满足。首先，冲绳水云，配蟹肉捞埋食，滑溜口感加上酱油酸酸地，够哂开胃。北海道𩽾𩾌鱼肝，味道结实，鱼肝香口。鳕鱼白子配柚子酸汁，鱼子味道浓郁，同时酸汁中和腻感，配合得好好。勘八鱼海胆豆腐卷，口感特别，豆腐滑得来仲有海胆香。粒贝鱼刺身爽口；北寄贝配海苔酱，香气独特，真系好味。冲绳小龙虾，超级新鲜，上菜嘅时候只龙虾仲识郁㗎。龙虾肉质鲜味弹牙，就咁食又或者点酱油食都好出色。石鲷鱼，鱼肉口感比较黏，上面加埋海藻盐一齐食就啱啱好。赤贝爽滑有咬口；缟鯵鲜味十足，加生芥辣渍刺激味蕾。蟹膏豆腐，上面仲有蟹肉同德国黑鱼子，建议一啖食哂，同时感受蟹嘅不同口感同鲜味。蟹嘅香气扑鼻，真系好享受。北海牡丹虾，肉质鲜甜，上面系原只虾头嘅虾膏，令刺身菜更加香。岩手县嘅大船渡湾令和怪物蚝，用咗醋味啫哩同葱调味，海水味浓，安排系个set中段非常合适，为味蕾带嚟新鲜感。𫚕鱼酱油渍，上面放柚子盐，鱼肉油脂感十足，非常香滑。白见贝，相对厚身，肉质偏爽。黑鯥加洋葱渍，有吊味效果。车海老，虾头炸过后成个都食得，够晒脆口，而且虾肉鲜
首先，冲绳水云，配蟹肉捞埋食，滑溜口感加上酱油酸酸地，够哂开胃。北海道𩽾𩾌鱼肝，味道结实，鱼肝香口。
鳕鱼白子配柚子酸汁，鱼子味道浓郁，同时酸汁中和腻感，配合得好好。勘八鱼海胆豆腐卷，口感特别，豆腐滑得来仲有海胆香。粒贝鱼刺身爽口；北寄贝配海苔酱，香气独特，真系好味。
冲绳小龙虾，超级新鲜，上菜嘅时候只龙虾仲识郁㗎。龙虾肉质鲜味弹牙，就咁食又或者点酱油食都好出色。
石鲷鱼，鱼肉口感比较黏，上面加埋海藻盐一齐食就啱啱好。赤贝爽滑有咬口；缟鯵鲜味十足，加生芥辣渍刺激味蕾。蟹膏豆腐，上面仲有蟹肉同德国黑鱼子，建议一啖食哂，同时感受蟹嘅不同口感同鲜味。蟹嘅香气扑鼻，真系好享受。
北海牡丹虾，肉质鲜甜，上面系原只虾头嘅虾膏，令刺身菜更加香。
岩手县嘅大船渡湾令和怪物蚝，用咗醋味啫哩同葱调味，海水味浓，安排系个set中段非常合适，为味蕾带嚟新鲜感。
𫚕鱼酱油渍，上面放柚子盐，鱼肉油脂感十足，非常香滑。白见贝，相对厚身，肉质偏爽。黑鯥加洋葱渍，有吊味效果。车海老，虾头炸过后成个都食得，够晒脆口，而且虾肉鲜味十足。
赤身酱油渍海胆卷，用金箔装饰，赤身同海胆两者鲜明嘅味道同口感配合得好好。
紫海胆天妇罗，海胆好creamy，加上脆得嚟带有咸味嘅紫菜非常合适。慢煮矶煮鲍鱼，口感烟韧又咬口，加咗蟹膏令度菜更加香。
甘鲷立鳞烧配生紫菜同高汤肴汁，特别嘅煮法令到鳞片企直，薄脆的鱼鳞加上滑嫩鱼肉，双重口感够哂过瘾，而且仲带有淡淡紫菜香气。
松叶蟹寿司配紫苏叶同蟹醋啫哩，多肉又好味。大拖罗用紫菜包住，上面有炸过嘅葱调味，肥美到入口即溶。
白海胆搭配鳕鱼干，并用淡船盐调味，味道清新，白海胆肉质颗粒感鲜明，同时水份较重，相对嫩滑。
食到尾声就到热食，有玉子布甸，清清甜甜，令整个餐厅体验好完满。餐厅仲用咗龙虾刺身嘅虾头煲汤，加入松茸，令到碗汤非常清甜。
甜品方面，有北海道雷电蜜瓜同开心果雪糕，雷电蜜瓜果肉软滑，果汁够多，雪糕淡淡嘅开心果味同红豆出奇夹，令人食过返寻味。
张贴
