影片
更多
2025-01-29
289 浏览
朋友食完一次之后话好钟意呢到啲串烧同小食，所以就强烈推荐我过嚟试吓，个环境又好坐，谈心真系一流。我觉得第一次嚟一定要饮佢嘅自家制浸酒同埋我自己私心系推荐黑豚鹌鹑蛋，好耐都冇食过鹌鹑蛋系软心嘅串烧！见到佢嘅午市餐牌都好抵食，下次晏昼经过应该都会上嚟试吓。‣ 鸡皮饺子 $58❗️超级推荐❗️鸡皮饺子咬落口嘅时候系有啲惊艳，啲肉质真系爆出嚟，而且本身饺子偏长身，尾部啲鸡皮炸到脆卜卜超级好食，呢个价钱有五大嚿绝对系超抵食。‣ 黑松露炸鸡 $88本来以为都系黑松露蛋黄酱，点知原来系成嚿炸鸡皮都裹住黑松露，呢一个位有啲惊喜。而个炸鸡本身都炸得唔错，唔会觉得好干身，就算冇酱就咁食都觉得好过瘾。‣ 牛油果松叶蟹肉软壳蟹卷 $138呢款fusion嘅卷物真系我嘅必嗌之选，牛油果同软壳蟹呢个组合真系夹得天衣无缝。软壳蟹炸得金黄香脆，肉质鲜嫩多汁，配埋牛油果嘅滑溜同松叶蟹肉嘅鲜甜，层次相当丰富。份量嚟讲啱啱好，觉得都值呢个价。‣ 免治鸡肉棒 $48❗️超级推荐❗️外皮烧得香脆，里面嘅鸡肉够晒juicy，一咬落去真系爆晒汁，啖啖肉嘅口感真系令人欲罢不能。而且仲有啲软骨咬吓，呢个免治鸡肉棒够晒出色，值得推荐俾大家食。‣
‣ 鸡皮饺子 $58
❗️超级推荐❗️鸡皮饺子咬落口嘅时候系有啲惊艳，啲肉质真系爆出嚟，而且本身饺子偏长身，尾部啲鸡皮炸到脆卜卜超级好食，呢个价钱有五大嚿绝对系超抵食。
‣ 黑松露炸鸡 $88
本来以为都系黑松露蛋黄酱，点知原来系成嚿炸鸡皮都裹住黑松露，呢一个位有啲惊喜。而个炸鸡本身都炸得唔错，唔会觉得好干身，就算冇酱就咁食都觉得好过瘾。
‣ 牛油果松叶蟹肉软壳蟹卷 $138
呢款fusion嘅卷物真系我嘅必嗌之选，牛油果同软壳蟹呢个组合真系夹得天衣无缝。软壳蟹炸得金黄香脆，肉质鲜嫩多汁，配埋牛油果嘅滑溜同松叶蟹肉嘅鲜甜，层次相当丰富。份量嚟讲啱啱好，觉得都值呢个价。
‣ 免治鸡肉棒 $48
❗️超级推荐❗️外皮烧得香脆，里面嘅鸡肉够晒juicy，一咬落去真系爆晒汁，啖啖肉嘅口感真系令人欲罢不能。而且仲有啲软骨咬吓，呢个免治鸡肉棒够晒出色，值得推荐俾大家食。
‣ 黑豚鹌鹑蛋 $28
❗️超级推荐❗️对上𠮶次食到鹌鹑蛋系软心状态已经系喺日本嘅时候，冇谂过香港都食得出呢只味，豚肉唔会话好厚身，食落去脆卜卜啱啱好，而再加上鹌鹑蛋亦都系烧得啱啱好，蛋黄系软心，食落去嘅时候一啲都唔嚡口，值得一试。
‣ 鸡翼 $28
啲腌料几入味，鸡翼炸得金黄香脆，肉质嫩滑。两个人share啱啱好，加埋柠檬食落一啲都唔heavy。
‣ 海胆酱乌冬 $168
❗️超级推荐❗️食咗咁多热辣辣嘅嘢，食返咗凉浸浸嘅食物都几唔错，海胆鲜甜唔腥，仲两只牡丹虾同三文鱼子作配料。而海胆酱本身应该仲有落少少醋，所以食落去嘅时候觉得酸酸地超级开胃，食完又可以再食多几串串烧。
‣ 深海池鱼刺身 $168
新鲜程度一流冇得弹，鱼肉质地爽滑，配埋少少山葵同豉油，鲜味更加突出。不过我自己都系钟意点酸汁，加上少少酸萝卜蓉同葱，薄切嘅池鱼真系冇得输。
‣ 自家制浸酒 $68
本身第一啖觉得好清新，酸酸甜甜一时间又醒唔起系啲咩，谂住系咪梅酒啲朋友，问咗店员之后醒起原来系柠檬，其实仔细观察都会见到啲果肉。酒精浓度啱啱好，同朋友谈心一流，而我最钟意都系佢熊啤啤造型嘅冰，真系好得意！
张贴
