JK Kitchen (已結業)

铜锣湾一路向系美食集中地。其实除咗地舖之外，楼上舖亦都有好多选择。今日趁住公司唔系好多嘢做就去享受一个long lunch食越南菜。 呢间餐厅位于登龙街，我哋喺铜锣湾地铁站出发，行咗唔使十分钟就到。餐厅装修好有特色，门口布置到好似一个欧洲花园，有一道道蓝色小窗。旁边亦都摆咗当日嘅厨师推介。可能时间尚早，我哋入到去嘅时候餐厅唔系好多人。餐厅入面嘅布置简单，感觉舒服。枱与枱之间有足够空间，唔会有挤逼感。我哋一行两人点两个午餐 1) 菠萝猪颈肉炒饭(⭐⭐⭐⭐💢): 猪颈肉大件，而且唔会烧得好干，食落有肉汁。炒饭亦都用料十足，有提子，干新鲜菠萝同埋鸡柳，绝冇偷工减料。2)越式烧鸡饭(⭐⭐⭐⭐💢): 朋友叫嘅烧鸡饭亦用了十足，应该有半只鸡嘅份量，包括鸡髀同鸡翼。味道方面，厨师无特登用好多腌料，咁样反而更加突显到鸡嘅鲜嫩。当然，如果然唔够味 可以配姜葱酱油。3)跟餐热饮(⭐⭐⭐⭐💢):分别叫咗生姜蜜同埋柚子茶。生姜唔太甜而且有姜味，冬日暖胃之选。相对，朋友嘅柚子蜜就比较甜。总括而言，呢间餐厅嘅午餐都算经济抵食，而且味道亦都唔错。系返工一族嘅铜锣湾午膳之选！