SABROSA

营业中

休息中

之前上网见到好多人推介呢间西班牙餐厅，就转登同朋友一齐去试下。餐厅嘅灯光偏暗，环境好有情调，加上坐得好舒服，好适合同朋友一齐聚会。🐷传统西班牙烤乳猪 配慢煮苹果蓉、些利酒烤猪汁👍👍乳猪上层嘅猪皮烧到好香脆，一咬就即刻听到卜卜脆嘅声，皮下嘅肉软腍嫩滑，充满油香，肉质腍到连切都唔洗切，再配埋苹果蓉酱，味道带少酸但好fresh，可以解腻。烤乳猪底铺咗一块酥脆嘅羽衣甘蓝脆片，吸哂乳猪嘅油香味道，口感好似韩国海苔。🦀蟹膏酿西班牙饭👍一上枱就俾蟹膏嘅份量吓亲，铺满哂成个蟹盖，上面仲有三文鱼籽做点缀；蟹膏底下系西班牙炒饭，捞埋蟹膏一齐食，真系会忍唔住keep住系咁食。🥚 传统西班牙蛋饼配风干火腿👍呢间西班牙蛋饼嘅内馅有洋葱、马铃薯，蛋味好香浓，口感非常松软，亦都好足料，每一啖都食到好多馅，再配埋风干火腿，味道变得更加丰富。🍮传统西班牙焦糖布丁👍👍虽然系焦糖布丁，但同我地平时食开Q弹嘅布丁好唔同，呢款嘅口感似雪冻咗嘅芝士蛋糕，其实佢就系寿司郎嘅卡达拉娜，但呢间嘅布丁比寿司郎版更加滑身，每一啖都食到好浓嘅焦糖味同蛋香。