影片
更多
2024-11-02
1583 浏览
嚟到月尾，又系时候食餐好嘅慰劳吓自己啦😙 呢晚嚟到铜锣湾呢间日式餐厅，主打食新鲜生猛海鲜，一入门口就见到海鲜喺水缸入面游呀游😆 我哋嗌咗signature嘅套餐，入面已经可以食到几款生猛海鲜👍🏻刺身三点先嚟一份刺身，话明食餐好嘅，我哋就额外加钱升级成为拖罗、金目鲷同埋赤虾🦐 拖罗唔算系好肥美𠮶种，但系冇筋。个人几钟意金目鲷𠮶种实净嘅鱼肉质感。另外，赤虾都几大只，而且口感弹牙。浜烧♦️波士顿龙虾浜烧讲到主打，一定系呢一份波士顿龙虾啦，店员喺处理龙虾之前，又俾我哋睇吓龙虾嘅size同埋有几生猛🦞 呢个龙虾有得拣芝士、蒜蓉牛油、泡菜或者清酒口味，个人觉得较邪恶嘅芝士口味同龙虾会好夹，所以嗌咗芝士🤣 龙虾入面都几多虾膏，可以望住店员烹煮，整个体验唔错😌 再加上大量嘅芝士，真系冇得输🥰♦️活鲍鱼活鲍鱼都非常特别，生猛到好似跳舞咁🤣 新鲜煮出嚟真系一啲都唔韧啊，加埋侧边嘅柚子胡椒，鲜味出晒嚟。♦️生蚝呢个生蚝，店员将佢开壳之后都有轻轻喺火炉上面烧吓🦪 生蚝好Creamy，带点海水味，配少少柠檬汁，更加鲜甜。烧物呢个都有四款选择，店员就特别同我哋推介伍鱼一夜干，话呢一个今日系用马友鱼整成🐟 见到呢一个嘅一
刺身三点
先嚟一份刺身，话明食餐好嘅，我哋就额外加钱升级成为拖罗、金目鲷同埋赤虾🦐 拖罗唔算系好肥美𠮶种，但系冇筋。个人几钟意金目鲷𠮶种实净嘅鱼肉质感。另外，赤虾都几大只，而且口感弹牙。
浜烧
♦️波士顿龙虾浜烧
讲到主打，一定系呢一份波士顿龙虾啦，店员喺处理龙虾之前，又俾我哋睇吓龙虾嘅size同埋有几生猛🦞 呢个龙虾有得拣芝士、蒜蓉牛油、泡菜或者清酒口味，个人觉得较邪恶嘅芝士口味同龙虾会好夹，所以嗌咗芝士🤣 龙虾入面都几多虾膏，可以望住店员烹煮，整个体验唔错😌 再加上大量嘅芝士，真系冇得输🥰
♦️活鲍鱼
活鲍鱼都非常特别，生猛到好似跳舞咁🤣 新鲜煮出嚟真系一啲都唔韧啊，加埋侧边嘅柚子胡椒，鲜味出晒嚟。
♦️生蚝
呢个生蚝，店员将佢开壳之后都有轻轻喺火炉上面烧吓🦪 生蚝好Creamy，带点海水味，配少少柠檬汁，更加鲜甜。
烧物
呢个都有四款选择，店员就特别同我哋推介伍鱼一夜干，话呢一个今日系用马友鱼整成🐟 见到呢一个嘅一夜干原条上，就咁望已经见到佢好胀卜卜，好似都几厚肉。呢个一夜干烧得好香，鱼肉系几嫩滑，但系唔系好肥腻𠮶款。店员又同我哋介绍可以点埋侧边酸酸地嘅酱汁，不过我个人就偏好就咁食个鱼肉，因为已经唔错啦😍
白蚬汤
呢个白蚬汤一大碗两个人分享，入面嘅蚬都几多，蚬肉都几大粒。汤底就比较清甜，几钟意佢唔算好浓味，咁先会食到蚬嘅原汁原味🐚
海胆炒饭
主食方面，我哋嗌咗海胆炒饭，入面嘅海胆份量都几多，仲有香菇、红萝卜等等唔抢味嘅配料😆 所以每一啖都有海胆嘅鲜味。
甜品
♦️蓝莓芝士窝夫
呢个餐包咗两款免费嘅甜品，可以拣一款雪糕窝夫。有朱古力、士多啤梨同埋蓝莓芝士口味，我哋拣咗蓝莓芝士味🫐 窝夫就唔系好香脆𠮶款，包住蓝莓芝士雪糕食落口唔会咁腻。
♦️椰子雪糕
另外亦都可以加$10加配特别嘅雪糕或者雪葩。有柠檬雪葩、苹果雪葩同埋椰子雪糕，椰子雪糕嘅摆盘好特别，系喺半个椰子入面🥥 椰子雪糕嘅味道好香浓，亦都几Creamy，几值得加配呢个甜品。
呢排有好多人北上消费，但系其实香港亦都有好多值得消费嘅餐厅😗 要好好庆祝都有好多唔同嘅选择㗎，呢间餐厅都唔错😎
张贴
