芙蓉果汁專門店 (已結業)

尖沙咀嘅铺租有几贵相信唔使多讲，地铺嘅，角位嘅，更不在话下，依间「芙蓉果汁专门店」晌尖沙咀都多年，真喺唔知佢要卖几多杯果汁先够顶得住啲租金，当然，会唔会喺老细自己铺我又唔知。如果喺前者（租铺），咁就要支持吓小店啦，相反，如果喺后者（自己铺），难得佢继续卖果汁而唔喺将个铺租出去㖞，所以，都要支持吓 。虽然讲唔上咩锄强扶弱，但都希望依啲小店可以继续落去。佢依度主打卖鲜榨果汁，而且，果汁种类非常多，又可以两沟，$16-$22一杯，比起饮汽水、罐装饮品，当然贵好多啦，但胜在新鲜健康嘛 ！除咗鲜榨果汁，另外仲兼卖两款即斟「糖水」：芒果西米露同椰汁西米露。如果晌糖水铺食碗芒果西米露，都要十几廿蚊㖞，依家$9就有一杯，不过，作为嘢饮，大家明白唔会有咩芒果果肉啦。 芒果西米露 $9、苹果甘笋汁 $16 小弟一向喺悭家，就不期然拣杯抵饮嘅芒果西米露，晌炎炎夏日中，入口凉快，又唔会太冰感，个汁底都算几够芒果味，内里又有粒粒咬口西米，饮完一杯的话可以消消暑 ；而老婆为人讲健康，所以要咗一杯苹果甘笋汁，甘甘甜甜，清新好味 。今次个食评，讲果汁方面落墨唔多，只喺见小店嘅努力，都想写番篇留个记录而已