大一海鮮火鍋料理 (已搬遷) 新店位置

听闻尖沙咀开左一间新嘅火锅店《大一海鲜火锅料理》， 主打特色嘅石锅汤底， 好钟意打边炉嘅我， 当然要去朝圣一下啦~火锅店装修簇新， 里面嘅装潢清简，时尚， 以蓝色白色为主题。 而且座位大都以卡位同梳化为主， 一路打边炉一路倾计更方便。锅底方面，主打翅锅同埋海鲜锅。 今次就试左推介嘅金汤腿翅锅。 呢个汤底用咗36个月嘅黑毛猪腿骨淆制而成， 饮落咸香鲜味， 黑毛猪嘅精华全部落入汤底中。 而汤入面嘅材料就更加丰富， 翅嘅份量好多， 食极都未食完，鸡肉则嫩滑， 喺打边炉之前已经急不及待饮多几碗。大一嘅火锅材料新鲜而且选择多， 牛肉拣咗顶级本地手切肥牛$339， 拣左边位同背脊位， 背脊位牛肉味较浓，而边位则较有口感。鲜虾云吞$59，云吞大大只，云吞皮滑嘟嘟，里面嘅虾弹牙爽口，猪肉肥瘦适中，一啖咬下，肉汁爆出来。本地黑毛猪腩片，薄切嘅猪腩片，滚烫一下就食得，入口即溶，肥美甘香。黑毛猪腩片无猪骚味，配埋金汤腿翅汤底，肉味就更加突出。最后系手唧墨鱼面，呢个配料不但好食，仲好好玩，大一嘅墨鱼面无坊间嘅咁容易断，夹起来就更方便。墨鱼味香，弹牙爽口，所有有人都赞口不绝。好食又好坐，下次有机会，一定要再食其