影片
更多
2023-04-23
4000 浏览
📌 大丈夫食堂 - 长沙湾元州街350号家壹1楼11号舖🗓(23/4) 星期日 ⏰ 中午12点左右 💈特式：今日约左朋友系长沙湾食lunch，见好耐无食过大丈夫食堂，上次经过又咁啱佢落场时间无得食，今日见个时间啱啱好，所以食返次先。🥩🍔🌭🌮🥗🥯🥘🍲🍝🍣🥟🍤🍱食物：我地今日3个人，总共叫左3个午市定食套餐，而家等我同大家讲下🐮👅味道先。特上塩烧牛舌定食$118 - 呢个餐包括左前菜/茶碗蒸/面豉汤/椰菜丝沙律/一碗饭同一碟大约有9片嘅牛舌。先唔讲主角牛舌，佢其他跟餐食物嘅质素都已经做得唔错，牛舌切得都算有返咁上下厚身，每片都系烧大约15~20秒已经食得，口感都几爽口有质感，肉味就普通，不过性格比系合格以上嘅。南蛮炸鸡定食$75 - 佢个南蛮炸鸡我每次去都会叫，就算唔叫定食都会散叫嚟食，因为佢真系做得好出色，价钱又抵，佢炸得外脆内软，又唔油腻，入面仲有肉汁好juicy，加埋佢地个酱汁味道唔系太重，唔会掩盖炸鸡嘅味道，相当出色。天妇罗软壳蟹丼$98 - 呢个上枱都吓一跳，佢成只蟹咁炸，size都几大，仲有配埋炸金菇天妇罗，虽然炸得唔油，亦无好油腻，但食完都好滞，因为份量真系有点
🗓(23/4) 星期日 ⏰ 中午12点左右
💈特式：今日约左朋友系长沙湾食lunch，见好耐无食过大丈夫食堂，上次经过又咁啱佢落场时间无得食，今日见个时间啱啱好，所以食返次先。
🥩🍔🌭🌮🥗🥯🥘🍲🍝🍣🥟🍤🍱
食物：我地今日3个人，总共叫左3个午市定食套餐，而家等我同大家讲下🐮👅味道先。
特上塩烧牛舌定食$118 - 呢个餐包括左前菜/茶碗蒸/面豉汤/椰菜丝沙律/一碗饭同一碟大约有9片嘅牛舌。
先唔讲主角牛舌，佢其他跟餐食物嘅质素都已经做得唔错，牛舌切得都算有返咁上下厚身，每片都系烧大约15~20秒已经食得，口感都几爽口有质感，肉味就普通，不过性格比系合格以上嘅。
南蛮炸鸡定食$75 - 佢个南蛮炸鸡我每次去都会叫，就算唔叫定食都会散叫嚟食，因为佢真系做得好出色，价钱又抵，佢炸得外脆内软，又唔油腻，入面仲有肉汁好juicy，加埋佢地个酱汁味道唔系太重，唔会掩盖炸鸡嘅味道，相当出色。
天妇罗软壳蟹丼$98 - 呢个上枱都吓一跳，佢成只蟹咁炸，size都几大，仲有配埋炸金菇天妇罗，虽然炸得唔油，亦无好油腻，但食完都好滞，因为份量真系有点大。
☕️🍵🥤🧋🍺🍷🥃🍹🧉🍾🍶🥛
饮品 : 餐厅有清酒/烧酒/啤酒可选择，当然仲有普通汽水同几款梳打，但我地就无特别叫，净系饮佢地提供嘅茶水，佢地有壸热茶放系枱面比客人自己refill。
🍽环境：餐厅之前系位于近荔枝角，系上年年头先搬过嚟元州邨附近，新舖大过旧舖好多好多，餐厅布局及座位都好阔落宽敞，整体都光猛整洁，装修亦仍然keep得好新净。
🤵🏻🤵🏻♀️🤵🏻♂️服务：店员服务都几好，又有礼貌，餐厅系用QR Code落单，因为我地叫左3个餐，但我个餐好耐都未到，店员都主动留意到同帮我催单。
💰💸价钱：叫左3个定食，仲要我地3个都食唔晒，而且仲可以免费添饭同沙律菜，埋单连埋加一先只系$320，我觉得价钱都好合理。
🐲💬总结：呢间餐厅以前最出名系炸猪扒，不过对上个次食好似已经有退步少少，而且我最钟意食日式炸猪扒个朋友今次又无去，所以我反而觉得佢地而家个南蛮炸鸡同牛舌相对更加出色。
推荐指数：❤️❤️❤️❤️🤍
特上塩烧牛舌定食
$118
97 浏览
0 赞好
0 留言
特上塩烧牛舌定食
$118
93 浏览
0 赞好
0 留言
南蛮炸鸡定食
$75
73 浏览
0 赞好
0 留言
天妇罗软壳蟹丼
$98
57 浏览
0 赞好
0 留言
天妇罗软壳蟹丼
$98
55 浏览
0 赞好
0 留言
张贴
