魚你相聚

营业中

休息中

经过长沙湾，见到呢间食酸菜鱼嘅餐厅，于是就试下。除咗酸菜鱼，呢度仲有好多主打正宗四川风味嘅菜式，有辣有唔辣，所以都适合唔食得辣嘅朋友，而价钱亦都好亲民。我同朋友点咗两个小食，同一个2-4人份嘅酸菜鱼，非常丰富，每人200蚊都唔驶，超级抵！⭐凉拌海蜇呢碟唔辣，几香麻油味，海蜇几爽口，份量比想像中多。⭐麻辣牛展呢个牛展腌得几惹味同几淋，辣度算几舒服，而啲花生几脆几香口。⭐大盘酸菜鱼（鲈鱼）叫咗呢个2-4人份嘅酸菜鱼，拣咗老坛酸菜汤，啲酸菜多到好似唔驶钱咁，好澎湃，而鱼就拣咗鲈鱼，因为比较鲜甜。汤底有鱼嘅甜味，亦充满浓郁嘅酸味。呢盘酸菜鱼份量真系大，入面嘅配菜比出面食开嘅多好多，有阔薯粉、薯仔、莴笋、豆腐、豆腐皮、大豆芽、娃娃菜、金针菇，仲要额外跟2份手工薯粉/米线/白饭，两个人根本冇乜可能食得哂，4个人share应该都冇问题。⭐利宾纳梳打⭐冻柠乐如果一大班人想食平民价钱嘅酸菜鱼，呢度系个唔错嘅选择，而小西湾亦都有分店。