Soi Eat Thai Cuisine

营业中

休息中

最近发现长沙湾有间隐世泰式料理，佢啲嘢食好正宗，系由泰国人煮既，所以质素非常好👍 佢门口出边都摆咗啲泰式甜品同埋虾片，有泰式千层糕同埋椰汁西米糕，全部都好吸引，可以买返屋企食🍮 泰式凤爪沙律 🥗首先头盘试咗个泰式凤爪沙律，佢用咗好鲜甜嘅酱汁调味，少少辣辣地，几开胃🤩串烧拼盘 🍢自己本身都好钟意食泰式串烧，当然就叫拼盘啦，有猪、牛同埋鸡串烧，仲有沙嗲酱点添，啖啖肉好好食😋炸黄金菜（通菜） 🥦呢个菜比较特别，会建议试吓，炸黄金菜有两款，通菜同埋芫荽，佢个通菜脆卜卜几好食，食落都唔会觉得好煎炸，同平时斋食菜会比较特色啲😛正宗泰式牛颈脊金边粉 🍜至于泰式粉面就一定要试佢嘅招牌牛颈脊船面啦，佢有几款粉面拣，任君选择，汤底非常之香浓，必试菜式之一！