泰海鮮 (已結業)

基本上我好少会去咁远食饭，之前有老板请食饭就话去，每次佢哋讲开去三圣邨食饭，我都真系觉得非常之烦。都唔明点解老板咁钟意去到咁远，基本上两三个月一聚嘅team building都系话要食海鲜，去亲食海鲜都话去屯门，点解不是香港仔，鲤鱼门都冇咁远。次次我仲要搭Van仔入去坐车坐劲耐，最惨嘅系返屋企都好浪费时间，而有几个同事都系住元朗屯门区，因此特别羡慕，而且来食饭都会觉得有啲厌恶。不过好嘅系，呢度嘅食材都算几好食，就算远，都令人放下心头嘅不忿。当晚依旧食咗几个唔同嘅海鲜，例如有呢个鲍鱼，真系好大只好好食。当然仲有劲大只嘅香茅赖尿虾，赖尿虾一个人食一只都唔过分。跟住我哋仲点左个乌冬，呢个系老板指定菜式。仲有老板佢成日话食蚝可以壮阳，次次都要叫，俾我食都唔知有乜用，我咁后生。谂住有得试吓大闸蟹，点知又系食奄仔蟹，又真系几好食。最后叫埋个鱼汤，简单一餐饭倾吓计几支啤酒，之后又要搭返一个钟车出九龙。唯有安慰自己食一餐好嘢啦。