漢城美食 (已結業)

跟友人搞好正经野, 想揾个平平地的地方吃饭, 一谂就谂起这间小店。七时多的高峰时段, 这里跟隔壁的秀的门口长期有人等位, 在这条又湿又黑的街道, 都咪话唔坚。食物份量偏少, 例如炒粉丝, 炒猪肉, 是细细的一碟。烤牛肉饭就几大碗, 以款款$50来计, quality 同份量都系可以接受的。炒粉丝偏油, 几腍身, 几惹味, 不过不是我最喜欢的。烤牛肉饭只跟小小的酱, 厚面皮问老板拎多d, 佢都好乐意奉上。自己捞捞捞, 几好玩, 又好味, 其辣酱为整个饭的灵魂。其实大部分韩国菜, 最好吃的都关其惹味的酱汁事, 真羡慕韩国人! 炒猪肉的猪肉用脢头位, 腍得来又有咬劲, 又不太瘦唔会太干, 用辣酱炒, 几惹味, 捞饭吃一流。是日菜式被朋友形容为"叫得真对", 我想, 呢个portfolio应该会满足到大家的。可能人太多关系, 得老板一双手系度做唔停, 服务虽不够贴身, 但可理解。要求斟水都有求必应, 亦好好笑容, 明白大排长龙的背后意义。